منتدى الفرح المسيحى - اهرب من الألم واتمسك بالأمل

الألم والأمل

لو فكرت في اي حاجه في الدنيا بتعملها هتلاقي نفسك بتهرب من ألم
او عندك أمل توصل لحاجه ممتعه

في ناس اللي بيحركها الألم
ممكن تروح لألم اقل من ألم زي انك تاكل وتتخن لأنك بتهرب من ألم الملل مثلا او الحزن
زي انك تهرب من ألم انك تقوم تتحرك فتأجل وتروح لألم انك تتزنق جدا وتعمل الحاجه علي اخر وقت

في ناس اللي بيحركها الأمل
انهم يروحوا من وضع حلو لوضع احلي
زي ان واحد مرتاح ماديا بس عاوز يزود الرفاهيه في حياته فبيتطلع انه يعمل مشروع يزود دخله

وهكذا في الحقيقه احنا بنتمرجح بينهم ألم وأمل
لو عندك حاجه عاوز تتخلص منها ومش عارف اسأل نفسك لو كملت كده كمان 10 سنين هوصل لايه تخيل حياتك والألم اللي ممكن يتسبب لك فيه انك متمسك بيها

لأننا كتير بنفتكر ان الألم قليل لكن لو ركزنا هنعرف قد ايه هو ممكن يدمر حياتنا فعليا
وفكر لو اتخلصت منها وحطيت حاجه بدالها تعملها تفيدك هتكون فين بعد 10 سنين وتخيل حياتك ممكن تتغير ازاي

اهرب من الألم واتمسك بالأمل
والأهم انك تشوف الاتنين علي حقيقتهم
وساعتها هتعرف ازاي تحرك نفسك لأي حاجه نفسك توصلها