منتدى الفرح المسيحى - أتحكم فى المغناطيس بتاعك

لكل الناس اللي بتقول انها عصبية. ⤵

احنا بطبعنا كائنات عاطفية وانفعالية. ودي من وسائل التواصل بين الناس.

https://upload.chjoy.com/uploads/1488817266141.jpg

فاكرين المغناطيس اللي احنا درسناه في المدرسة؟
بيكون ليه قطبين شمالي وجنوبي. وكل ما تتجه ناحية الاقطاب.
كل ما قوة الجذب تزيد. يعني اضعف جزء في المغناطيس هو المنتصف.

لو هانعمل تشبيه بسيط بأقطاب المغناطيس. كأنها المشاعر المتقابله.
القطب الشمالي هو شدة ( الفرح. الغضب. القسوة. الثقه. ........الخ ).
القطب الجنوبي هو شدة ( الحزن. الهدوء. اللين. التخوين ). وهكذا.
والمنطقة اللي في النص دي منطقة مش صغيره على المغناطيس. وهي المنطقة الوسطيه في المشاعر والانفعالات والافعال.

⬅ كل ماتكون في المنطقة الوسطيه دي. كل ما تقدر تسيطر علي مشاعرك. وتقدر تقاوم الجذب الهائل اللي في اقطاب المغناطيس.

⬅ حتي لو قربت من احد الاقطاب. بس كنت لسه في المنطقة الوسطيه. هاتقدر تقاوم قوة الجذب وترجع في النص تاني.
لكن لو ماتعلمتش تسيطر على انفعالاتك وتصرفاتك. يبقي توقع الاتي⤵

⬅ اقل نسمة هواء تعصف ب ( مشاعرك او تصرفاتك او إنفعالاتك ). هاتوديك عند احد قطبي المغناطيس. فلازم تتعلم تتحكم وتقاوم.

⬅ لما تتجه من المنتصف لأحد الطرفين. قوة الجذب هاتشدك اكتر. وهاتلاقي نفسك بقيت في حافة المغناطيس. وخروجك هايبقي صعب.

⬅ وعشان انت على حافة المغناطيس ومش هاتعرف تخرج بسهولة. هاينتج انك هاتتصرف تصرفات خاطئة عشان انت مش في المركز وبالتالي مافيش توازن في تصرفاتك او انفعالاتك او مشاعرك.

⬅ هايبقي صعب جدا جدا انك تنتقل من طرف المغناطيس الشمالي الي الطرف الجنوبي. لان القطب الشمالي اللي هو العصبيه مثلا. مش هايسمح لك بسهولة انك تروح للقطب الجنوبي. لانك بقالك فترة عايش معاه.

⬅ ويوم ماهاتقدر تهرب من جاذبية القطب الشمالي وتحب بقي تروح للقطب الآخر عشان تعبت من العصبية. هاتلاقي نفسك بقيت على حافة القطب الجنوبي وهاتبقي عايش في الهدوء الشديد. ونبقي معملناش حاجه

سؤال⤵
ايه الصح بقي عشان مانفضلش متنقلين كده بين الاقطاب المتضادة؟؟؟؟
وتفضل حياتنا معدومة التوازن في العواطف والانفعالات والتصرفات.
وحياتنا تتأثر سلبيا. ونأثر سلبيا على اللي حوالينا ؟؟؟؟؟

منتظر اجاباتكم على السؤال في التعليقات.