منتدى الفرح المسيحى - قَدِّسُوا صَوْمًا. نَادُوا بِاعْتِكَافٍ

" قَدِّسُوا صَوْمًا. نَادُوا بِاعْتِكَافٍ." - يوئيل 1: 14 -

كانت رسالة الرب على لسان يوئيل النبي هي " قدسوا صومًا" .. كلمة تقديس في العهد القديم يعني تخصيص أو بمعنى أبسط شوية " أن الصيام ده يكون للرب مش لأي غرض تاني.. والصيام مش معناه الامتناع عن الأكل والشُرب وبس.. لأ.. ده معناه أعمق من كده بكتير " معناه اني قررت أدي الأولوية للرب في حياتي بشكل حقيقي ومايكونش فيه حاجة شاغلة بالي غيره في الوقت ده..
والكتاب المقدس دايمًا بيربط الصوم بالصلاة، لان دي الطريقة الوحيدة اللي هتبقى قادر تتواصل مع ربنا بشكل صح وهتعرف تسمعه كويس زي بالظبط " لما تكون محتاج تكلم حد انت بتحبه أو مهتم تسمع أخباره، بتدوّر على أي مكان فاضي وهادي علشان تقدر تقعد معاه وتسمعه" ..
هو ده بالظبط اللي بيعمله الصوم في روحك وقلبك .. بيجهزك علشان تقدر تسمع ربنا كويس..
لو فكرنا بالطريقة دي وفهمت المعنى الحقيقي للصوم، معتقدش اننا ممكن نتعامل معاه على انه حدث لازم نعمله علشان داخلين على عيد بعدها!