منتدى الفرح المسيحى - التحرش مش رجولة....

https://files.arabchurch.com/upload/i.../117175006.jpg

عارف يعني ايه بنت عندهآ 25 30 سنه وتبقى ماشيه خآيفه من طفل عنده 10 سنين لآ يتحرش بيهآ ؟
عارف يعني ايه بنت صغيره و طفله في حضانه زميلها اللي في نفس المدرسه بس ثانوي يتحرش بيها وهي مش فاهمه حاجه ولما كبرت فهمت وفاكره الموقف بالظبط كإنه حصلها امبارح ؟
عارف يعني ايه لما بنت عندهآ 11 سنه راجل كبير عنده 50 60 سنه يمسك جزء حساس منهآ والناس بتتفرج عادي ؟
ولما حد يتكلم يقولك ده راجل كبير وميصحش ؟
عارف يعني ايه لما بنت تلآقي كلاب على ناحيه وشلة شبآب ع الناحيه التانيه من الشارع
وتفضل انها تمشي ناحية الكلاب ؟
عارف يعني ايه بنت تتعرض ل اغتصاب علني في الشارع و تحرش و يتم تجريدهآ من ملآبسها .. ومحدش حتى يديلهآ جاكت بتاعه ولا حتى يدافع عنها ؟
عارف يعني ايه بنت اللي طالع و اللي نازل يحسس عليها في المواصلات وهي مش قادره تتكلم او تفتح بؤها ؟
عارف يعني ايه بنت قاعده في بيتها بالتلات اربع سنين بتتعالج عشان واحد حقير لمس جسمها او واحد قالها كلام بذئ والناس مبتترحمش ؟
عارف احساس البنت لما تيجي تتكلم عن التحرش وواحد يقولها مكبرين الموضوع وشكلك حصلك كده وانتي معقده ويقولهآ بسخريه او مستهتر بالموضوع اصلا ؟
عارف يعني ايه بنت تكره جسمها ؟
عارف يعني ايه بنت تقرف من جسمها ؟
عارف يعني ايه بنت تكره انها بنت اصلا ؟
التحرش مش رجولة.....