منتدى الفرح المسيحى - المشاكل اللي بيسببها مينفعش نغمي عنينا عنها...

الفيس بوك زي أي حاجة ليها مزايا و عيوب بس عيوبه بقت مأثرة علي حياتنا بشكل كبير اوي...و بقت المشاكل اللي بيسببها مينفعش نغمي عنينا عنها...

- تضييع وقت بالهبل !!

- بعض الناس حياتهم بقت مشاع لكل من هب و دب

- بسبب الفيس بوك بقت في ناس بتحسد علي صورة...
تحسد علي check in ... تحسد علي ستاتس فيها احساس بالفرحة

- الالعن بقي ان بقي في ناس بتتمني زوال النعم من اصحابهم لمجرد ان اسمهم متداري ورا ابلكيشن!!!

- برود في العلاقات بين القرايب و الصحاب!! محدش بقي بيزور حد و لا يكلم حد..
بقي اكتفاء بلايك و خلاص

- بقي الصحاب يتقمصوا عشان مين معملش لايك او كومنت !!!

- قطيعة ممكن تحصل بسبب مسدج seen صاحبها رد عليها متأخر

- بقينا نستكتر النعم علي بعض و نعد النعم علي بعض

- سقف تطلعات الناس علي جداااا،
دي سافرت ليه و شوف راحت فين

- مبقاش في رضا عشان بنبص علي حياة غيرنا

- خراب البيوت بسبب العلاقات الغلط من خلال الفيس بوك

- جو المقارنات في كل شيء...
اشمعني دي ولادها في مدارس كذا..
اشمعني دي جوزها بيعملها منشن !!!
حتي المنشن بيتحسد عليه !!!

- مبقاش فيه حب الخير للغير اللا للنفوس السوية..

- التواصل كله بقي محكوم في عالم وهمي كله ايموجي و سمايلي فيس..

- التلقيح و رمي الكلام بقوا اهم مادة علي الفيس بوك

- الاهالي بقوا مقصرين في حق اولادهم و الازواج بقوا مقصرين في حق بعض..
- بقي في فتور جوه البيوت عشان كله بقي ملهي في الاكاونت بتاعه.

- الفشخرة لمجرد ان ناس معينة يوصلها اني عايش احسن منهم او احسن في عدم وجودهم

- بقينا بنتريق و نغتاب من غير ما نحس بذنب او اننا غلطنا

- بقينا بنعمل لبعض بلوك لمجرد اختلاف في وجهات النظر

- بقينا بننهي علاقات سنين بضغطة unfriend في ثانية

و لسه في حاجات كتير يسدوا النفس يارب نفوقلها شوية و احنا قاعدين علي الفيس بوك