منتدى الفرح المسيحى - مش هاصوم عن الاكل وبس

https://files.arabchurch.com/upload/i...2786119850.jpg

=============================

1- مش هاصوم عن الاكل وبس
انا خلاص اتعلمت الدرس
وعرفت ان الصوم مش بس فول وعدس
دا قلب نقى وصوت ميعلاش كأنه همس
2- مش هاصوم عن الاكل وكفاية
أنا لازم احفظ كل يوم آية
وكلام ربى دايمأ يكون معايا
فى قلبى وعقلى ساكن جوايا
3- مش هاصوم عن الاكل وعنيا
فى كل حته رايحة وجايه
تشتهى فى مناظر ومباهج الدنيا
وتشبع من امور العالم الفانية
4 - مش هاصوم عن الاكل ولسانى
يشتم ويحلف ويغنى اغانى
يكدب ويدين ، وبصوت عالى
ازعج الاخرين واقول انا مالى
5 - مش هاصوم عن الاكل وودانى
تسمع كلام يخلينى اعانى
يزعج نفسى يفقدنى سلامى
وانسى الهى اللى نجانى
6 - مش هاصوم عن الاكل وقلبى
مليان بالحقد والكراهية لصحبى
واسمح للشيطان يهدم حصنى
يستولى على قلبى ويبعدنى عن ربى
7- مش هاصوم عن الاكل وابقى انانى
اسمع صراخ المسكين وأسد ودانى
هادى المحتاج زى ما الرب ادانى
واطعم الجوعان زى ما الرب وصانى
8 - مش هاصوم عن الاكل وافضل على حالى
قلبى من محبة الرب خالى
ابحث وادور فى الدنيا عن تسالى
وناسى ان السما لازم تبقى امالى