منتدى الفرح المسيحى

https://files.arabchurch.com/upload/i...5375803788.jpg

من وجهة نظرى ان "العشم" اكبر جريمه ممكن الانسان يرتكبها فى حق نفسه ..
-كسرة النفس اللي بتشوفها في عين أى حد كان تعبان أو مخنوق أو حد عندة حاله وفاة و أتعرضو لخذلان رهيب من أشخاص أتخلو عنهم في الموقف دة ، و أشطا يعني الدنيا مبتقفش ، لكن كسرة النفس و الحزن اللي بيبان في عيون الشخص دة بيكون سببها إنه أتعشم في أن الشخص دة عمره ما يتخلي عنه حتي لو مليون حد أحسن منه مش عاوزهم ( عشمك في الحاجة أو الشخص اللي قدامك هو اللي بيهدك
- فرحتك بالفستان ع المانيكان و جنانك بيه هو اللي بيقتلها لما تقيسيه و تلاقيه مش ع مقاسك، قفلتك من اى لبس بعد كده بيكون سببها عشمك فى الفستان ده بالذات مش ان باقى اللبس وحش "انتى اتعشمتى فى الفستان ده و خلاص" حتى لو غيره احلى منه مش عوزاه" ..
- انتظارك بالساعات لاكلة ف الفرن و ف الاخر تلاقيها ناقصة ملح دا ممكن يخليك ماتكلش اليوم كله مع ان امبارح كلت اكل بايت و كنت مستمتع جدا "بس انتا كنت متعشم فى الاكله دى و مطلعتش زى ما تعشمت فيها فخلاص قفلت من الاكل"..
- الموقف اللى بيحصل من حد من صحابك و بيزعلك منه جدا، رغم ان حصل اكبر منه من غيره و مزعلتش ده سببه العشم "زعلك مكانش من الموقف نفسه زعلك ان الموقف حصل من الشخص ده بالذات و انتا عشمك فيه غير كده"..
#العشم هو اللي بيقتل اى حاجة تانيه هتيجي حتي لو احلي، ف على قد ما تقدر قل من عشمك .