منتدى الفرح المسيحى - عارفين يعني ايه بنت independent؟؟

عارفين يعني ايه بنت independent؟؟

١- يعني طلباتها قليلة عشان اصلاً هي متعودتش تطلب

٢- مبتستناش مساعدة لانها اتعودت تعمل كل حاجة بنفسها و دا مش تقليل منك

٣- عُمرها ما هتستوعب انك تحطلها مواعيد دخول و خروج و خريطة التعامل معاها

٤- ملهاش خُلق لدلع البنات ف في الغالب معظم القريبين ليها ولاد

٥- مبتقبلش نصيحة ، بتتصرف من دماغها و بتتحمل النتيجة كاملة

٦- بتبان قوية و متماسكة و عندها ثبات انفعالي بس في الغالب بتكون قطة

٧- بتكره الاسئلة و انها تكون محور حديث حد

٨- ياريت تحترم خصوصيتها و تديها space

٩- معندهاش قدرة علي النقاش و الجدال .. سكوتها معناه (انت حمار)

١٠- الغباء بيجيبلها اكتئاب

١١- مبتحبش كلمة "انتي بنت"

١٢- واقعية و حياتها يا ابيض يا اسود

١٣- بالها طويل بس لحظة انفجارها مميتة ف ياريت نسترجل كدا

١٤- يوم ما بتحب .. بتكون راجل و يعتمد عليها ،
بتختارك بكل كيانها و بتكون كبير اوي ف نظرها و طبعاً مش اي حد بيملا عينها ..
ف حاول متصدمهاش

١٥- لو صدمتها .. بتقطع الصفحة مش بسس بتقلبها و بتكمل حياتها عادي

١٦- بتكره المقارنات لانها مش شبه حد (اختار الاوبشن التاني اشطة)

١٧- تأثيرها بالكلام السلبي مبيكمبش ساعتين

١٨- كلمة الاستسلام مش ف قاموسها

مفيش بنت اتخلقت كدا ..
احنا اللي بنأهال ظروفنا عشان نكون بنات قوية نواجه الظروف اللي منها المجتمع الذكوري بتاعنا

اه في حاجة مهمة ..
نادر جداً لما تلاقي راجل واثق في نفسه يقبل يتجوز بنت بالصفات دي ،
معظمهم يحبوا البنت المنكسرة اللي بتقول حاضر عشان يستعرضوا رجولتهم عليهم
حُكم القوي عالضعيف