منتدى الفرح المسيحى - كل الذين ماتوا قد نجوا من الحياة بأعجوبة !

في مود في حياة البشر زي الموبيل لما يزمر مفيش شحن !
بتلاقي نفسك مش قادر تتكلم ولا ترد علي حد ولا عارف تحدد بالظبط انت مين زعلك ..
بس اللي حصل اننا عبارة عن كيس اسود كبير والدنيا بترمي فيه زبالتها ..

بالسياسة .. بسخافة التليفزيون ..
بسلبية الفيسبوك .. بغلاسة الشغل ..
بهدة العيال وكمية الضرب في الخلاط والاستغلال النفسي والذهني والعاطفي معاهم ..
بمسئولية الجواز وتفاصيله الكتير الكتير اوي .. بالعراك مع البواب وبتاع الجراج والسوبرماركت ..
بكمية الغلاء الفظيعة في الاكل والهدوم..
بكل الغلابة اللي بتساعدهم وقلبك متقطع عليهم من الفقر والمرض وحال البلد ..
بكل الناس اللي بتسافر من اهلك والوحدة توجع قلبك..
بالصحاب الوحشة والجيران المزعجة ..
بالسواقة الغبية .. بالهوا الملوث ..
بخيار الهجرة المؤجل دائما ..
باليوم اللي بيخلص وانت منمتش ومكلتش ومحستش ..
كل المشاكل اليومية اللي بتعمل فيها جدع !

تفضل جامد وتعدي علشان اليوم يعدي ..
وفجأة الكيس اتملي وتفصل شحن يصبح الانسان كائن مطفي .. ب
لا سبب غير ان فرويد ومحمود درويش كانوا علي حق ..
- تأكد قبل ان تكون محبط ومكتئب انك لست محاطا بالاغبياء !
- كل الذين ماتوا قد نجوا من الحياة بأعجوبة !

cpd