|
الناس دى لبست فى الحيطه (الخديعه الكبرى !!)
الخديعة الكبرى!! بستغرب اوى لما الاقى ناس كاتبة بوستات عن الارتباط و كاتبين مبدء غريب اوى بيدور اغلبة حوالين ان ( الحد الى هيحبك فا هيحبك رغم كل عيوبك ) و الى مش هيستحملك فا يبقى مش بيحبك... احد جروبات الارتباط من شوية كتب ( ان الى هيحبك هيفضل يحبك رغم الفوضى الى انت فيها و كل ده وهيفضل عايزك فى حياتة)!! طبعا كلام فارغ ملهوش معني.... .كلام فلسفى فارغ برضو ملهوش اى معنى طيب الصح بتاعة فين؟؟ الصح بتاعة هو ان الناس الى بتحب بعض و بيكملوا على الرغم من اخفاقاتهم وسلبياتهم و ضعفاتهم فا الجزء ده متعلق بانهم قدروا يتحملوا الحاجات دى!! يعنى لو انا قابلت بنت صعبة اوى فى تعاملاتها و مقدرتش استحمل ده و كنت بحبها فا هل انا كده مش بحبها لمجرد انى قلتلها سورى مش هنكمل علشان اسلوبنا مختلف وانا مش قادر استحمل؟؟!! لا طبعااااا الناس الى بتقولك: الى هيجبك فا هيبحبك بجد رغم كل سلبياتك.... ايوه الكلام ده صح لكن نضيف جملة كمان و هى : هيستحملك رغم كل سلبياتك الى هو قاااادر يتحملها فقط الناس الى بترتبط بناس و فيهم بلاوى كتير وسلبيات فظيعة و الناس دى ضغطت على نفسها علشان المشاعر عندها اعلى من صوت العقل. فا الناس دى لبست فى الحيطة فى الاخر بعد ما المشاعد هديت فا السلبيات ظهرت بوضوح و غير مجردة على الاطلاق انما كانت سلبيات مغلفة بالمشاعر فا العقل بيتلغى خالص و المشاعر بتغلب و المشاعر بتتواطئ على الشخص نفسة و تخدعة تحت حجة ان الى بيحب حد بيحبه بكل الى فيه هههه طبعا كلام فاضي.. والصح بتاعة هو انك تحبة بكل الى تقدر تتحملة فيه انما انك تيجى على نفسك و تتجوز حد مليان كل مصيبة و التانية اكبر من الى قبلها و تقولى ( بحبه ابااابا بحبة) يبقى بترمى نفسك فى التهلكة مفيش حب حقيقى لا يقدم تنازلات لكن قيمة التنازلات بالمقارنة بالحب لو كانت اكبر من الحب فا التنازل هنا تواطئ لاتمام علاقة حب معيوبة مبنية على التنازل الكتير و الحب القليل خصوصا لو كان طرف واحد بيتنازل و التانى مستنزف من فضلكم محدش يتبنى فكرة ان الى بيحبك فا هيحبك رغم كل العبوب الى فيك!! لا فيه عيوب لا تحتمل اصلااااا .فيه ناس تقدر تتحملها وناس لا لو لقيت نفسك مش متحملها فعلاااا..ستووووب و ارجع تانى و متكملش قادر تتحمل العيوب و شايفها عادى..فا اوك انت ادرى انك تكمل انما تيجى على نفسك و تشرب لمون و تعصر على نفسك لمون و تعيش حياة اللمون دى لمجرد انك بتحب المحروسة وله المحروس بتاعك ده و هو فيه كل العبر فا كلام فارررغ هيودي صاحبة ورا الشمس بس كدة.. بلاش تسمعوا كلام الناس الموهومين بسوفسطائية الحب و خزغبلية العواطف و سوفيفسائية المشاعر و بوهيمية الافكار دى و كبروا مخكم شوية حد عرف يقرا كلمة ( سوفيفسائية ) دى وله اتكعبلتوا فيها؟؟ هههههههههههههه cpd |
رد: الناس دى لبست فى الحيطه (الخديعه الكبرى !!)
توبك جميل ربنا يباركك |
رد: الناس دى لبست فى الحيطه (الخديعه الكبرى !!)
موضوع رائع ومفيد ربنا يبارك خدمتك |
رد: الناس دى لبست فى الحيطه (الخديعه الكبرى !!)
ميرسى لمروركم الغالى
:):):) |
رد: الناس دى لبست فى الحيطه (الخديعه الكبرى !!)
ميرسى على الموضوع الجميل رينا
ربنا يفرح قلبك |
رد: الناس دى لبست فى الحيطه (الخديعه الكبرى !!)
ميرسى لمرورك الغالى
:):):) |
رد: الناس دى لبست فى الحيطه (الخديعه الكبرى !!)
موضوعك مميز .. طرح رائع
ربنا يبارك خدمتك |
رد: الناس دى لبست فى الحيطه (الخديعه الكبرى !!)
ميرسى لمرورك الغالى
:):):) |
| الساعة الآن 10:57 PM |
Powered by vBulletin® Copyright ©2000 - 2025