وأكيد هييجى اليوم
اللى هتبص فيه ع الهموم ..
اللى ياما اتشالت ..
وكل كلمة وحشة ..
فى حقك .. اتقالت ..
واتارى كتافك ..
اللى ياما اتوجعت ..
من كتر الحمول ..
كانت بتوشوشك ..
وكأنها بتجهزك ..
عشان هييجى يوم ..
وبنفسك هتقول ..
انا صحيح ماكنتش أدها ..
وكنت باتعب من عَدّها ..
والطريق ياما شوفته وعر ..
والخوف والقلق والذعر ..
بس كل ده طلع وهم وخيال ..
وانا اصلا بكل مشاكلى متشال ..
واللى شايلنى احلى حاجة فيه ..
انه من يوم ماخلقنى ..
وهو واخد باله منى ..
طب حد يقول لى كدة ..
الكلام ده حقيقى جدااا ..
ولا إيه ؟؟؟