منتدى الفرح المسيحى - مسيرك هتوصل ....

"ليس الفتى من قال كان أبي ... بل الفتى من قال ها أنا ذا" ..

في ناس اتولدت من غير سند ... من غير دعم ...
من غير "أنتة عارف أنا ابن مين" ...
لا من قريب و لا من بعيد ....

ملهاش حد ترفع عليه سماعة التلفون لما تقع في مشكلة ....
في ناس أصلا مبتقبلش السند ...
لأنها عارفة ان الدنيا مصالح ...
هات و خد .... هتديني ايه عشان أعملك ؟!!

في ناس مبتعرفش تعيش كده ..... مبتعرفش تعمل كده ...
و قصاد كل ده ... دراعها مبيتلويش ....
ناس تقدر تستغنى عن أي حاجة ممكن تيجي على كرامتها ....
الناس دي كتير بتحس بالقهر ...
و قلة الحيلة و العجز بينها و بين نفسها ....

بس في النهاية .... الناس دي لما بتطلع ...
لما بتكبر ... لما بتؤمن ... وبتوصل ....
الناس دي بس ... بتبقى صوت العدل و الحق ....
لأن اللي سندها ووصلها إيمانها بنفسها و قبل كل حاجة إرادة و مشيئة ربنا

بعيدا كل البعد عن ملتك و ديانتك و ذنوبك و أخطاءك ...
رب الكون .. ربك ... نفخ فيك من روحه ....
ضهرك و سندك في الدنيا ....
آمن بقوته و بطشه و عدله و خليه دايما وكيلك في كل حاجة ....
و عمرك ما تذل نفسك لمخلوق ....
و لا تخاف و لا تطاطي ..... لو صوتك بالحق ....
لو راس مالك في الدنيا صحتك و عقلك و سعيك .....
هتوصل .... مسيرك هتوصل ....
بس أنت ارفع عينك للسما و قول يا رب ....