منتدى الفرح المسيحى - أحسبها صح ..... تستمتع صح

متعة الاكل
الاكل ممتع وجميل وبناكل منه اكتر علشان نستمتع اكتر
لكن الموضوع مبيتحسبش كده الحقيقه
كل اكتر استمتع اكتر
كل انسان مضايق من وزنه فعليا مبيستمتعش بالاكل الكتير

بياكل ويستمتع وياكل ويتسمتع لحد ما يشبع
ومن لحظة الشبع للحظة الامتلاء بتكون لحظات من المتعه اللحظيه مع تانيب ضمير
وبتوصل المتعه زيرو بعد الاكل ما يخلص وبيبدا التانيب والمضايقه والندم احيانا

طب لو هنفرض ان انت عندك معادله
كل ما اكل اكتر المتعه تزيد اكتر
اسال نفسك المعادله دي صح ؟
هل بتنفعني في حياتي ؟
هل فعلا بستمتع؟ ولا بستمتع لحظات وبتنكد باقي اليوم واحتمال باقي العمر ؟

طب تعالي نغير المعادله
لو هنفرض انك هتاكل علشان تستمتع نخلي لحد الشبع 10من 10 متعه
وهتخلص ضميرك مرتاح وحافظت علي صحتك ومتحرمتش واستمتعت
اي لقمة بعد لحظة الشبع ننقص درجتين
اللقمه الاولي 8-10 وبعدها 6-10 وبعدها 4-10

لو حطيت المعادله دي في دماغك وقررت تمشي بيها ممكن تغير حياتك كلها
لان فعليا لو وقفنا اكل وقت الشبع بس هنحافظ علي متعتنا وصحتنا ورشاقتنا
وهتبقي متعه حقيقيه مش متعه مخلوطه بتانيب ولوم ونكد وعقاب احيانا بعدها

بايدك تختار تمشي علي المعادله الغلط او تعمل المعادله الصح
كده كده هتوقف اكل توقف بمزاجك ولا غصب عنك
الحرمان من كام لقمة زياده احسن بكتير من الحرمان من الرشاقه طول العمر