منتدى الفرح المسيحى - المحبة اسلوب حياة ❤️

ليه يعقوب خدم ١٤ سنة لحد لما يتجوز راحيل ،،
ليه هوشع فضل يسامح جومر ويحاول معاها ويرجعها من الخطية بالرغم انها كانت بتوجعه كل مرة ،،،
ليه شمشون كان كل مرة بيدي سر قوته لدليلة بالرغم من انه عارف انها كانت خطر عليه،،
ليه يوسف مقتلش اخواته اول لما جاتله الفرصة ،،

الاجابة في كل مرة بتتلخص في حاجة واحدةً ،،، لأنهم احبوا محبة حقيقية

المحبة هي اللي بتخليك تصبر وتستحمل وتعافر علشان الشخص اللي بتحبه
المحبةً هي اللي بتحاول من غير يأس مهما كان الالم او الضرر النفسي
المحبة هي اللي بتجدد نفسها وبتظن كل مرة الاحسن مهما كان الماضي فيه اخطاء
المحبة هي اللي بتغفر حتي لو كانت الاساءة اكبر من انك تغفرها

علشان كده لما تقول لحد بحبك ،، لازم تبقي عارف ان الكلمة دي غالية ،،
الكلمة دي كتاب مفتوح مش بيخلص ،،
الكلمة دي كل يوم بتضيف لرصيدها صفة جديدة سواء احتمال او صبر او غفران او تشجيع او مشاركة ،،
متستهونش بيها ،،
لان المحبة مش كلمة عادية ،، المحبة اسلوب حياة ❤️
" وَلكِنَّ أَعْظَمَهُنَّ الْمَحَبَّة "
(1 كو 13: 13)