منتدى الفرح المسيحى - انت بتحزن ....... أذا انت انسان ايجابي (عيش الدنيا بكتالوجها )

انت بتحزن ....... أذا انت انسان ايجابي

الانسان الايجابي هو اللي بيحزن لما ييجي وقت الحزن وبيفرح وقت الفرح
ولما بيواجه حاجه بتخوف بيخاف
بيحس بالضعف وقت الضعف
و الغضب وقت ما حد يتعدي علي قيمه
والندم وقت ما هو يتعدي علي القيم بتاعته

الانسان الايجابي زي الطفل
علشان يتعلم المشي كان بيسحف ومفكرش في شكله قدام الناس وقام ووقع كتير
وكان بيتقبل ويضحك ساعات ويعيط ساعات
ولا مره فكر يقول زهقت مش هحاول

بيعيش كل يوم بيومه امبارح اتعلمت منه والمستقبل بتاع ربنا
والسعي عليا والنتيجه مش بتاعتي فمش هشيل همها

الانسان الايجابي زي فطرة ربنا اللي خلقنا عليها علشان الدنيا متتعاشش الا كده
لما بتكره ضعفك وتكتم خوفك وتستخسر تفرح وتقااوم الحزن
لما تمثل انك كويس
لما ترفض افكارك وتكتمها فتزيد
فتهرب منها فتكبر اكتر

لما تقول انا كوول علي طول
متبقاش انسان ايجابي

محدش فوق علي طول ولا تحت علي طول
بس الذكي اللي يعيش الدنيا بكتالوجها اللي ربنا خلقنا عليه وميحاولش يعدل فيه
انه يعيش كل حاجه صح ويديها وقتها وبعديها هو حر
يعدلها او يحكمها او يكمل فيها او يتخلص منها
كل الاختيارات مفتوحه

الانسان الايجابي اللي بيستجيب لمشاعره وافكاره
ويتعامل معاهم بذكاء ويخليهم معاه
مش يتحولوا لتنين كبير ينفخ النار في وشه