منتدى الفرح المسيحى - الهك صانع الخير كله

https://files.arabchurch.com/upload/i...4477395787.png

اقبل برضى اللى يحصلك مادام سمح بيه ربنا
اقبل حتى لو تعبان ماهو شايف انت فيك ايه
اقبل حتى لو الشيله تقيله مش هايسمح بشيله
تقيله عليك وان تقلت هايشيل معاك..
اقبل واشكرهُ وصلي و لو صعبه اسكت بس ماتلومش عليه
فى سكوتك هو عارف مالك عارف ايه فيك
لما تضيق اوى فكر نفسك كام ضيقه طلعك منها
لما تحس انك وحدك ارفع عينك للسما وبصلهُ
هايشوفك وهايجيب الدموع اللى بين جفونك اللى هى
لا عايزه تطلع ولا عايزه ترجع ..
قوله انا راضى مادام انت معايا خلاص
قوله انا ملكك ياما فرحتنى وادتنى كتير
قوله انا صابر ومعاك منين مايكون
اقبل برضى وشكر .. ترتيبات ربنا مفيش اضمن منها
اقبل وانت بتقوله لتكن مشيئتك جدا جدا
ربنا عايزك طفل مستسلم بس مش استسلام ضعف
لكن استسلام امان علشان مفيش غيره هايحسك
ومفيش غيره هايكون جنبك ..
واعرف ان مش دلوقت لكن مع الوقت
هاتعرف كل حاجه تعبتك وسمح بيها ربنا
كانت لخيرك .. الهك صانع الخير كله