منتدى الفرح المسيحى - العيال بتفرح أو بتتألم .. وفى الحالتين ..بتحكى !!

منتدى الفرح المسيحى (https://www.chjoy.com/vb/index.php)

- بيت على الصخر (https://www.chjoy.com/vb/forumdisplay.php?f=108)

العيال بتفرح أو بتتألم .. وفى الحالتين ..بتحكى !!

صديقة لبنتى فى اعدادى بتحكى لها عن باباها ..
بتقولها : بابا كل يوم بيرجع من الشغل بالليل الساعة تمانية ..
نتعشي سوا كلنا ونحط موبايلاتنا كلنا وبابا وماما فى باسكت فى الريسيبشن ..
ونقعد فى الليفينج نتعشي ونرغى ونحكى ونهزر ونقوم ننام ..
ويوم الجمعة ماما بتقول لبابا لو فى حاجة عاوزة تتصلح فى البيت يصلحها او يجيب حد ..
وبقية اليوم ساعات بيفسحنا وساعات بنقضيها فى البيت مع بعض ..
بابا بيجيب لماما دليفرى علشان يريحها
واحنا وبابا بنغسل المواعين ونروق اى حاجة عاوزة تتوضب !

طبعا .. طبعا .. طبعا ..
لسه فى ناس محترمة ..
ولسه فى بيوت بتهتم وبتربي ..
ولسه فى ناس .. ولاد ناس .. بيربوا ولاد ناس!

ملحوظة :
الأب ده بيعمل فى مهنة مرموقة بتوجع القلب والدماغ وتهد الحيل .

طبعا لفت نظرى إن العيال بتهتم وبتلاحظ وبتتأثر وبتفتخر وبتنبسط وبتحكى ..
العيال عندهم قدرة فائقة على تمييز العيشة السوية الصح والعيشة الغلط..

العيال بتفرح أو بتتألم .. وفى الحالتين ..بتحكى !!
غالبا مش بنعرف حقيقة أحوالنا إلا من حكى عيالنا!