منتدى الفرح المسيحى - الأمومة فيها سم قاتل؟؟؟؟

الي بيتعامل مع أي أم هيسمع جمل زي مضغوطة أوي....

مش قادرة......

متعصبة.....

حزينة.......

أنا انطفيت....؟؟؟

هي الأمومة فيها سم قاتل؟؟؟

لأ....

الحقيقة أن السم القاتل في أننا سايبين معني مهم أوي....

المعني ده هو أنت الأول.....

يعني وقتك الي بتشربي فيه قهوتك و تفطري فطار متوازن..

هو أحسن حاجة قدمتيها لولادك طول اليوم....

الوقت الي بتقري فيه كتاب لنفسك و لسلامك الداخلي.....

الوقت الي بتعملي فيه حاجة لنفسك وحدك....

الوقت الي بتفصلي فيه و تصلي بتركيز من غير ما مخك يروح و ييجي مع ولادك.....

الوقت الي بتستقطعيه و بتبذلي مجهود عشان ترتخي....

و تتجاهلي تعليقات الناس و الأهل و القرايب...

تلميحاتهم أنك أنانية... أو المفروض حياتك تدور حوالين و لادك بس....

هو ده السم القاتل....

عايزة تكوني أم متوازنة...؟؟

عايزة تكوني أحسن أم لولادك....

يبقي أنت الأول.....

دي مش أنانية..... ده اتزان....

ما تمشيش في الدوامة و تنسي نفسك.....

هتقفي غصب عنك.... بس المرة دي مش بمزاجك....

و ممكن تخسري حاجات كتير في اللحظة دي لأنها هتكون مش بحكمة....

و مش في وقت مناسب.....

و لو قابلتي أم من الي عندهم اعراض السم ده فكريها...

أنت الأول...
وقت متميز....
اعملي فيه الي كنت بتعمليه عشان تنبسطي قبل الولاد....
لك أنت وحدك..💓💓💓
هنربيهم_علي_نور