منتدى الفرح المسيحى - كل سنه و كل راجل جدع طيب

https://upload.chjoy.com/uploads/1487001948811.jpg

كل سنه و الراجل اللي فجأه لقي نفسه فاتح بيت طيب ..

- اللي بقي راجل البيت في يوم و ليله ..
بعد ما كان شايل نفسه و بس .

- اللي فلوسه رايحه علي كارفور اول بأول ..
و طلبات البيت جابتله صداع بس فرحان .

- اللي مبقاش عايش لوحده .
- اللي بيحب شريكة حياته .

- اللي بيسمع كلمه عايزين اكتر من 20 مره في اليوم .
- اللي مش مبهدل مراته و صاينها .

- اللي عينه دمعت لما عرف ان ولي العهد شرف .
- اللي لقي نفسه في لحظه بيتقاله يا بابا .

- اللي استحمل عياط و زن العيال مع مراته و ما سابلهمش البيت و مشي .
- اللي بيدعي لولاده أكتر ما بيدعي لنفسه .

- اللي مقدر تعب مراته في البيت .
- اللي بيقولها كلمه حلوه .

- اللي بيربي عياله مع مراته و مش سايب الحمل عليها لوحدها طيب .
- اللي بيفهم ولاده الغلط مش بيضرب .

- اللي بيعلم ولاده الصلاه .
- اللي بيحببهم في ربنا .

- اللي بجد راجل .. اللي بيشيل المسئوليه .
- اللي مش بيمد ايده علي مراته .

- اللي محافظ علي كرامتها .
- اللي عارف ولاده بيحبوا ايه و بيكرهوا ايه .
- اللي ولاده بتترمي في حضنه لما يروح من شغله .

كل سنه و الراجل اللي بيربي ولاده علي الاصول و الاحترام بخير ..
- اللي فلوسه كلها ضاعت علي البامبرز و السيريلاك سنه ورا التانيه .
- اللي بيشتري لعب ابنه و فساتين بنته بمبالغ و هو مبسوط و راضي .

- اللي بيحوش مصاريف مدارس عياله من السنه للسنه .
- الراجل اللي بيعامل أهل بيته معامله ترضي ربنا .
- اللي وجوده مصدر أمان للعيله مش رعب و فزع في البيت .

كل سنه و الراجل اللي بيحط القرش علي القرش عشان يأمن مستقبل ولاده طيب ..
- اللي بيخاف عليهم بس مربيهم علي الصح فا بيديهم مساحتهم..
- اللي قلبه اتخلع علي ولاده في مرضهم .

- اللي كان بيفرح بشهادتهم اكتر من فرحتهم .
- اللي كبر و علم لحد ما ولاده بقوا زينه الشباب .
رجاله محترمه و ستات أفاضل ..

كل سنه و كل راجل شقي عشان أسرته تكون مبسوطه و ولاده مرتاحه طيب ..
- اللي استخسر في نفسه حاجه بيحبها عشان يشوف الفرحه في عين عياله .
- اللي بطل سجاير عشان ولاده أولي..و عشان ما يشوفوش ابوهم بيدخن .. و يعملوا زيه .

- اللي هيفضل طول عمره قدوتهم و مثلهم الأعلي .
- اللي بيفكر في أسره بالكامل مش في شخصه بس .

كل سنه و انتوا طيبين .
سواء أب او زوج أو جد أو أخ .

(((كل سنه و كل راجل جدع طيب))))