منتدى الفرح المسيحى - شكرا للناس اللي مش واخدة الدنيا على صدرها ....

فكك ...

نزل يا ابني اللي أنت عاوزه عندك ... اعمل check in بالعبيط ...
و نزل صور لحد ما تورم أنت و صحابك ....

و انتي يا بنتي ... مش بتحبي ال snap chat ...
و ماله يا حبيبتي مش عيب ....
و اعملي بوز البطة و بوز القرد لو عاوزة ....
و اكتبي كل اللي أنتي عاوزاه .... و اتشلقبي كده ....
أنا عاوزاكي تتشلقبي و تتنططي و تجمعي ذكريات حلوة على قد ما تقدري ....

و أنت يا حزين على عينك يا مكتئب أنت .... خليك على وضعك ....
أي نعم أنا عاملالك unfollow ... بس قشطة على وضعك ...
مش مرتاح كده ؟!!!
حلو ..... خليك كده ......

و الناس اللي عمالة تنزل screen shots للمسجات الحلوة اللي جتلها على "صراحة" ....
أنا مقرتش الكلام اللي مبعتلوكوا و بعمل scroll down بس الكلام شكله حلو و أنتوا شكلكوا مبسوطين بيه ....
هايل ... على وضعكوا ..... ايه تاني ؟!!!!!

مش فاكرة .... بس عامة اللي بيعمل حاجة و مكيفاه ...
يخليه على وضعه .... ما حدش فيكم بيئذي حد .....
و الدنيا ماشية عادي يعني و الواقع لسة زي ما هوة متنيل بستين نيلة ........

الناس اللي مش عاجبها الوضع بقى و كل شوية تطلعلك بجملة خلصنا من كذا و طلعلنا كذا ....
عادي برده ... مرتاح كده يعني ؟!
مميز أوي أنت في مواضيعك على كده و كلامك كله هادف و بتاع؟!!
ماشي .... براحتك برده ... اعمله unfollow يا ابني و اشتري دماغك ....

بعيدا بقى عن كل السف ده ..... شكرا لكل الناس اللي بتضحكنا ....
شكرا للناس اللي مش واخدة الدنيا على صدرها ....
شكرا لكل الناس الحرة اللي ما بتضرش و لا بتئذي حد ...
و على قد ما تقدر بتكون في حالها .....

cpd