منتدى الفرح المسيحى - تصيد الاخطاء

خطأ كتير من الناس بيقعو فيه. وهو ليه اشكال كتير، هاذكر امثلة منها، لو لاقيت نفسك بتقع في واحد من الأمثلة دي.يبقي لازم تاخد بالك👀.
1. والله يا أخي فلان ده شخص كويس ومحترم وابن ناس وغلبان وطيب بسسسسسسسسس .
اول ما المتكلم يقول بس. تلاقي المستمع انتبه جدا وركز اوي في الكلام. عشان مايفوتش حرف واحد من اللي هايتقال بعد بس 😏.
2. الست عامله ( مائدة ). بسم الله ماشاء الله. حاجه تفتح النفس.
وتلاقي الزوج او الولد او البنت. اول مايقعد يقولها وانا هاكل السلطه دي ازاي من غير ليمون😠👊.
3. واحد كاتب شعر زي الفل وجميل📚، بس عنده خطأ او اتنين🔭.
تلاقي الإنسان مسك في الخطأ ده، (وخد بالك من المضاف إليه، وحرف الجر اللي جه قبل المضاف اليه ويقعد يعيد ويزيد في الخطأ). ومايفكرش يمدح باقي القصيدة بنفس الحماس اللي انتقد بيه الخطأ الموجود. في حين ان 95 % من القصيدة صح.
⬅الإحساس بالأفضلية، ده شهوة عند الإنسان.
1. احساس حلو، لما تحس انك افضل من فلان عشان فيه عيوب👨 .
2. يعني البعيد ماعندوش دم ولا احساس وشايف كل الجمال ده ومسك في الليمون 👊. بدل ماتقول كتر خيرك وتسلم ايدك😡 👊.
3. احساس حلو، لما تحس انك فاهم شعر، وقدرت بقدراتك الخارقة تكتشف الخطأ اللي في القصيدة.( وغالبا بيبقي خطأ واضح. ماجابش التايهه يعني ).
فحاول دايما ماتقعش في الأخطاء دي ولا الأخطاء المشابهة.
#خليك_منصف