منتدى الفرح المسيحى - حرمت_عليكوا

https://upload.chjoy.com/uploads/1486739653671.jpg

حرام عليكي يا شيخة ابنك حران..
حرام عليكي ده بردان..

حرام ده اكيد جعان..
حرام عليكي بتزغطيه زي دكر البط..

حرام عليكي رضعيه.
حرام عليكي كرعيه..
حرام عليكي ده شرق و هو بيشرب..

حرام عليكي فطمتيه ليه..
حرام عليكي مش بتفطميه لحد دلوقتي ليه!!

يالهوووي هاتيله أخ يسليه..
يالهووووي حملتي دلوقتي ليه، ملحقتيش!!

يالهووووووي ودتيه حضانة ليه؟؟
يالهوووي وديه حضانة، ده بقي انطوائي أوي!!

يالهوووووي دخليله أكل علي 3 شهور!!
يالهووووي أكلتيه بدري ليه؟؟!!

يالهووووي اتعدي منك... ما تقربيش منه..
يالهوووووي ده علطول عيان!!!!

يالهوووووي خدي بالك منه!! حرام عليكي

حرام عليكي منزلاه انهارده في البرد ليه..
حرام عليكي منزلاه في الحر ليه...
حرام عليكي منزلاه و الجو حلو ليه!!

حرام عليكي سايباها منكوشة!!
حرام عليكي مش لابس كوتشي ليه!!
حرام عليكي ده قلعهم من رجله!!

حرام عليكي نظميله الرضاعة!!
حرام عليكي ليه منظماله الرضاعة!!

حرام عليكي بينام معاكوا ليه!!
حرام عليكي بينام في أوضته ليه!!

حرمت_عليكوا_عشيتكوا
يالهوي_زهقتونا_وطهقتونا

لكل الأمهات الجداد أوعى تسمعى لحد غير دكتورك وقلبك وطفلك