منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواهب المسيحية (https://www.chjoy.com/vb/forumdisplay.php?f=147)
-   -   محاكمة الرئيس السابق (https://www.chjoy.com/vb/showthread.php?t=47360)

الشاعرة القبطية 03 - 07 - 2012 01:43 AM

محاكمة الرئيس السابق
 
https://images.chjoy.com//uploads/im...d21530bfb2.jpg

محاكمة الرئيس السابق

مرت الأيام بسهولة
وجه يوم محاكمة الرئيس مبارك
يااااه العمر بيجرى بسرعة مش معقولة
ملايين الناس منتظرة حكمه عشان تبارك

خلونا نسيب ربنا هو إللى يقرر
الراجل ده بشر زينا وحسابه فوق
وكفاية ظلم وحروب ياريت نتغير
عايزين من الحلم ده نصحى ونفوق

أخد براءة أو تأجيل أو أخد إعدام
حتى لو العدل مخدش مجراه
حكم ربنا مستنيه من غير كلام
وإللى هيحصل فى المحكمة أكيد
حكمة من الله

مش هنستفيد حاجة من إعتصامتنا
غير أرواح بتنذف دمائها هدر
ولو معترضين ممكن نقول كلمتنا
بإسلوب ميسببش لينا ضرر

ممكن أسألكوا وتجاوبونى بأمانة
مين فينا فى حياته مبيغلطش
هتقولولى حقوقنا ضاعت ده غير البطالة
والحياه كانت مرة ومتتعاش

هقولكم رأيى فى الموضوع وإحترموه
جيبولى رئيس يعوض تعب السنين
صدقونى الرجل ده مش هتعوضوه
وأديكوا جربتوا المر زيادة ضعفين

أنا مش بدافع عنه ولا بدينه
أنا بطلب منكم نتشارك فى بناء مصرنا
وربنا هيعاقبه والقانون هيديله
حكم على قد إدانته وهيأخد عقابه على ظلمنا

أه هو كان مدى فرصة للعصابة
جمال وعز والعادلى والوطنى عشان ينهبونا
وإديهم إترموا فى السجن وسابوا الغابة
إللى كان عمالين يقطعوا فيها لحمنا وينهشونا

ودى رسالة لكل واحد هيخلف وعده
لو عايز يمسك البلد عشان مصالحه
هيعرف كويس أوى بجلالته
إن المنصب مش هينفعه ودى هتكون نهايته

والدنيا بتورينا إن مفيش نفوذ دايمة
لا سلطة ولا جاه ولا مليارات الفلوس
المهم تكون الشخصية بمهامها حقيقى قايمة
هتربح ثقة الناس وهتحبها مئات النفوس

يااااااارب قرر الأحكام العادلة من فمك
إللى هتريح ناس كتييييييييير
إنت إللى عالم بخطايا شعبك
وموافقين بقرارك لإنه حكييييييييم


بقلم / الشاعرة القبطية
كرستين ميلاد

Mary Naeem 03 - 07 - 2012 08:41 AM

رد: محاكمة الرئيس السابق
 
كلمات جميلة ورائعة جدا يا قمر
ربنا يبارك موهبتك الجميلة

بنتك يايسوع 03 - 07 - 2012 10:36 AM

رد: محاكمة الرئيس السابق
 
ودى رسالة لكل واحد هيخلف وعده
لو عايز يمسك البلد عشان مصالحه
هيعرف كويس أوى بجلالته
إن المنصب مش هينفعه ودى هتكون نهايته

جميله اوووووووووووووووى
ميرسي كتير ياسكر
ربنا يباركك

بنتك انا 03 - 07 - 2012 12:28 PM

رد: محاكمة الرئيس السابق
 
كلمات جميلة جدا
ربنا يباركك وينمى موهبتك اكثر واكثر لمجد اسمه


الساعة الآن 12:16 PM

Powered by vBulletin® Copyright ©2000 - 2025