منتدى الفرح المسيحى - .. متنزلش قلبك من علي الشجرة غير لو استوى ,,

كان فيه راجل فلاح كل يوم يروح عند شجرة التفاح ويرميها بالحجارة
والتفاح اللي ينزل ياخده ويروح يبيعه ,,, مرة يسقط اتنين مرة يسقط تلاته
جه واحد وقاله انا ملاحظك من فترة كل يوم تيجي وتحدف الطوب علي الشجرة
ماتطلع تلم المحصول كله علي بعضه وتبيعه مرة واحده
رد الفلاح وقال هيفيد بأيه اقطف حاجه لسه مستوتش واجي ابيعها متتبعش
وحتي لو اتباعت هتتباع بنص التمن لأنها هتكون مرة ومش هيشتريها غير واحد جعان ومش معاه فلوس
نفس الموضوع مع كل واحد بيجبر قلبه انه يحب غصب عنه
ايا كان السبب في اجباره .. كبر وخايف القطر يفوته .. او عايز يريح دماغه من زن اللي حواليه ..
وللأسف لا هو بيكون مؤهل للحب ولا هيلاقي اللي يقدره
ولو لقي اللي يرضى بيه هيكون مفلس عاطفيا وبيدور علي اي قلب والسلام
العقل اوقات بيتدخل في انه يقنع القلب انه يجرب ينزل من علي الشجرة ويشوف الناس .. الأرتباط مفهوش تجارب .. متنزلش قلبك من علي الشجرة غير لو استوى ,,
ويكون مؤهل انه يحب ويتحب ويكون مقتنع باللي شاريه مش اللي واخده يسد جوعه العاطفي بيه
شجرة التفاح ..