منتدى الفرح المسيحى - خليك صاحب يتصاحب

في أشخاص حوالينا موجودين عشان اللوم و العتاب و الهلك و الشكوى من كل حاجة و في كل الأحوال..
مهما كنّا بنحبهم بنلاقي نفسنا مش بنحب تقضية الوقت معاهم و مهما كانوا مش قاصدين هما بيشدونا ل ورا و بيخلوا تركيزنا في المكان الغلط.. و في أشخاص متخصصين في الراحة و الحب و الرحمة و خفة الدم و تبسيط الأمور و السلام (في كل الأحوال برضه)..
مهما كانو بعيد عننا حنلاقي رجلنا و قلبنا بيشدنا ناحيتهم عشان إحنا بنحب نفسنا و نستمتع بيها و إحنا معاهم فنقدر نعيش أحسن و أرقى و أنقى..

الفرق بين النوعين هي لغة الحديث و طريقة التواصل!

إزاي النهاردة أكون من النوع التاني مع الناس إللي حواليا ؟
و الأهم، إزاي أكون من النوع التاني ده مع "نفسي" ؟
إزاي أعمل من نفسي شخص أحب أقعد معاه
عشان لما أجي أزورني مهربش و أعرف أستمتع بالوقت و الحديث و نطلع مع بعض لقدام؟

لغة_الحوار_تفرق_كتير
خليك_صاحب_يتصاحب