منتدى الفرح المسيحى - الصيت ولا الغنى

الصيت ولا الغنى!!

مثالنا النهاردة عن الصيت والغنى اللي أتكلم عنه الحكيم سليمان من زمان "اَلصِّيتُ أَفْضَلُ مِنَ ٱلْغِنَى ٱلْعَظِيمِ، وَٱلنِّعْمَةُ ٱلصَّالِحَةُ أَفْضَلُ مِنَ ٱلْفِضَّةِ وَٱلذَّهَبِ." (أَمْثَالٌ ٢٢:١) بالمنطق والعقل ده كلام مش مقبول بس لما نفكر فيه هنلاقيه كلام معقول.

خلي معاك فلوس الكون، بس الناس شايفينك مش حنون، والبُغضة اللي في قلبك شايفاها كل العيون، ويوم ما هتيجي سيرتك، الكلام الحلو عنك مش مضمون!!

كُل كل يوم لقمة بفول، واعطف على الناس وشيل عنهم الهموم، ارسم على وشوشهم بسمة وفرحهم من غير ما تقول وساعتها بس هيتقال في حقك كلام أكيد معسووووول.
والحقيقة المهمة أن الفلوس مش بتعمل إنسان.. حُب الناس أهم من أي فلوس.

وانتوا إيه رأيكم الكلام ده صح ولا غلط؟