منتدى الفرح المسيحى - اشمعنا يسوع؟

https://upload.chjoy.com/uploads/148498429261.jpg

لأنه الوحيد اللي وصل للجزء الميت اللي في روحي، الجزء المضلم اللي محدش عرف يحتويه..

الوحيد اللي لمس اليُتم اللي جوايا واحتضنه، وسد مكان محدش عرف يسدّه طول السنين دي..

الوحيد اللي قدر يوصل للجوع اللي مابيهداش في روحي.. جوع عميق للقبول والطبطبة في وقت التعب وحتى وقت الراحة..

الوحيد اللي حبّني ببلاش، من غير ما ادفعله تمن عشان يكمل جرعة الحب دي ومايوقفهاش..

ابويا.. اللي فاهم طباعي وصفاتي وحتى خُبثي ومحاولاتي المريضة اني اشترى الحب و الفت الاهتمام، وبرغم ده مكمل معايا ومابينفرش مني..

ماظنش حد هايعرفني ويشوفني من جوايا كدة، ولو حد شاف اللي جوايا هايزهق أنا عارف، ولو مازهقش ومشي هايبذل مجهود انه يفضل شايفني بنفس الصورة الأولانية.. يسوع بقى مفيهوش كدة.. طاقة حب مش بتخلص، ونظرة عالية وراقية ليا بتبهرني وترجعلي ثقتي في نفسي من تاني.. شخص راقي.. بيحب ويشجع ويطبطب.. ومابيزهقش ده المهم..