منتدى الفرح المسيحى - الحب قرار يومى

الحب ..قرار يومي بالقبول
الحب انك تعلي في نظري كل يوم ..مهما عملت
الحب اني اقرر كل يوم اني اطلع سلم في علاقتنا
السلم ثابت و انا اللي بابذل مجهود في اتجاه حبك
مش سلالم كهربا ..تطلعنا و تنزلنا لوحدها و احنا سابيبين ايدينا
الحب قرار بالصعود للاله ..و لو لقينا حبنا مش في نفس الاتجاه ..ننزل قوام و نغير اتجاه صعودنا ..
الحب ..توبة مستمرة
الحب تغيير دائم مستمر ..
الحب مرونة حقيقية من جوايا ..
مش اني احشر مشاعري الغضبانة في اوضة قلبي الضيقة ..
بالعكس ..اوسع اوضتي و استحملك بعيوبك ..
استحمل و انا مختلف ..باختيار حر ..و سعة صدر
الحب اني اقاوم انانيتي كل يوم عشانك ..
ايوة انا اناني كل يوم ..
الحب بيخليني اسامح بارتياح ..مش عشان مجرد الاستمرار
الحب ..اني كل يوم اصحي اغير رأيي في لومي ليك ..و اتغير و انا بشوفك مختلف..واقدر اشوف ان الغلط في نظرتي مش في افعالك..
الحب قرار يومي حر بالتغيير
اتغير فيك و بيك و ليك و منك
الحب اختيار

http://up.1sw1r.com/upfiles2/qi152422.jpg