منتدى الفرح المسيحى

ساعتك وقفت؟؟
وقفت امتي؟؟
قبل ماتقف ..كانت بتأخر؟؟
ولا دي فجأة لقيتها مابتنطقش ؟؟
ولا بقالها شهور بتأخر ثانية في ثانية ..و انت مانتش واخد خالص بالك؟؟
خليك دايما صاحي يوماتي لعداد مشاعرك
يمكن تكون كل يوم بتأخر ثانية في ثانية ..و كونك تايه بين عقلك و مشاعرك ..تفوتك ياما دقايق و ساعات
اوعي تكون بتصدق كل ساعاتك ..
لازم كل فترة تقارن بين عدادك و عداد تاني ثابت اكتر
اوعي تكون نعسان لساعات ..و فجأة تلاحظ فرق الوقت
اوعي تكون الساعة بتخرف بقالها كتير و انت مطنش
ثانية فثانية تعمل فرق
اصل الحب بييجي في ثانية
و بيحتاج لثواني كتير ..تتبني علي بعض
اوعي تفوتك لحظة حب
اوعي تفوتك لحظة صدق ..
تابع ساعتك ..قبل ما ساعتك تيجي يا ساحبي
اوعي تقدم ..اوعي تأخر ..
اوعي تكون مش فاكر اخر مرة بصيت في الساعة
اوعي تكون واقفة من بدري و مانتاش واخد بالك اصلا انها عطلانة
اوعي يكون احساسك بالوقت ..هو العطلان
او تكون صدقت اساسا ..ان الوقت بقي ثابت اصلا مابيمشيش!!

http://up.1sw1r.com/upfiles2/qeh52422.jpg