الصوره عجبتني قوي ... ابني جسر


https://upload.chjoy.com/uploads/148464822371.jpg


فى وقت الناس بتشتكي دايما من الجواز..ونسب الطلاق بتزيد
والجيل الجديد بيشتكوا من كتر الصوره السلبيه اللى متصدره عن الجواز والهم اللى وراه والرجاله اللى بتتحكم وتنكد وتخنق والستات اللى هتخنق حريتنا ومسؤليات وهم...

ياتري هل فى زواج سعيد؟
هل ممكن اتجوز وابقى مبسوط/مبسوطه؟
الاجابه شفتها فى الصورة دي...

البناء بكل ما يحمله من معني ...
بكل ما يحتاجه من مجهود وادوات وعلم..
بكل ما يسبقه من دراسه وتصميم..
وبكل ما يعقبه من صيانه ومتابعه.
الجواز الناجح السعيد محتاج الخلطه دي...

محتاج التعلم والمعرفه السابقه بنفسك ...
وعن الطرف الاخر واحتياجاته وطبيعته ومميزاته وعيوبه...
وعن الزواج نفسه ومسؤلياته وتكوين البيت...

محتاج الجهد المستمر فى اصلاح نفسنا والتعاون مع الطرف الاخر والغرس فى زرعه الزواج ورعايه العلاقه...

محتاج الادوات اللي هيقوم عليها البيت والعلاقه من فهم واحتواء وموده ورحمه وتغافل وتحمل وقدره بدنيه وماديه وتوازن وحاجات تانيه كتير....

محتاجه دراسه سابقه قبل الاختيار للشريك اللي هدخله حياتي وهقاسمه دنيتي وهيكون وسيله لاخرتي...

محتاج التصميم اللي فيه خطه بنتشارك فيها خطواتنا الجايه ..
بيتنا معاملاتنا ولادنا ومستقبلهم واسلوب تربيتهم واولوياتنا ..

ومحتاج دايما صيانه ومتابعه لكل طرف ...
اطمن ماشي ازاى وواصلين لبعض ولا ايه...
محتاجين ايه من بعض...
هل هو فى وقت صعب محتاجني بزياده...
او انا محتاجه منه دلوقتي مجهود اكتر...
هل المجهود اللي بعمله بعمله فى المكان الصح وواصل للطرف التاني...
هل بستقبل من الطرف التاني مجهوده وبنعرف نفهم بعض.
.ياتري علاقتنا واصله لفين..
سليمه ولا فى شرخ دخل عليها ولافى حاجه ضربت فى الاساس...

وقبل وبعد وأثناء .............
الصلاه وطلب الحكمه من ربنا ...

يااااااه كل ده...
ايوة كل ده....
لو طلبت ربنا وفى نفسك تعمل المجهود ده عشان تبنى كنيسه ربنا جوه بيتك ....
محدش هيعمل المجهود ده بالنيابه عنك....
المجهود اللى هيتبذل فى الخناق وحرقه الدم والشكوي وكل واحد يرمي علي التاني ومستني التاني يتحرك ...
ابذله فى البناء أحسن

مجهد ومتعب...لكن يستاهل
يستاهل عشان أنت تستاهل