منتدى الفرح المسيحى - هقولك كلمة اخيرة

https://upload.chjoy.com/uploads/1484645470621.jpg

كتير وأنا صغيرة كنت أسمع الستات الكبيرة وأمهاتنا دى فلانة احلوت بعد الجواز اه دى بقت زى القمر وشوفتى الفلانة التانية مالها بقت كدا ليه دى كانت زى القمر يعينى شكلها الهم راكبها

صح مش بنسمع الحوار دا كتير وانا صغيرة ماكنتش فاهمة دى احلوت ليه وزادت جمال ومش فاهمة اللى كانت جميله وحلوة اتبدلت ودبلت ليه
السر فى كل دا مش الخلفه زى ماكنا فاكرين وتربيه الاولاد ولا مسؤليه البيت ولا الهرمونات ولو ان ليهم عامل

لكن السبب الرئيسى اللى ممكن يحول أى ست عادية لـ أميرة وملكة جمال " جوزها " واللى ممكن يحول اجمل الجميلات لست عادية ماتفكرش تسأل عنها " الزوج "

الزوج هو العامل الأساسى فى حياة كل واحدة لو رواها بالكلمة الحلوة والحب والمعاملة الطبية تزدهر ويفوح العطر منها واذا أهملها دبلت وماتت
زوجتك وردة أرويها وراعيها بالكلمة الحلوة والمعاملة الطيبه والحب
زوجتك أمانة فى رقبتك ليها حق عليك مش بس تصرف عليها

لو كل زوج بس يعرف ان معاملته الطيبه واحتواءه لزوجته ده هيعود عليه هو اول واحد كفايه ابتسامتها وكفايه انها تبقى راضيه عنه ومرتاحه
ليه دايما احنا اللى شاغلين نفسنا بارضاؤهم ليه طول الوقت بنلف حوالين نفسنا عشان نسعدهم ونرضيهم ونكون مختلفين ومتميزين
سواء ف اللبس او الاكل او المعامله الطيبه ,

عمرنا ما سمعنا عن زوج بيدخل منتدى عشان يسعد مراته او محتار يهاديها بايه وبيسال
اوا نه نفسه يفرحها وعايز افكار مثلا زى ماحنا مقطعين نفسنا وندخل ندور هنا وهنا اوزاى ابقى زى الراقصة الفلانية وازاى اعمل اكله احلى من الشربينى

وقاعدين نتعلم ف ماسكات واكلات ومفاجات كل ده لاسعادهم مش بقول منعملش لا اعملى عشان ربنا امرنا بكده بس لازم تتدى الفرصه لزوجك انه يفكر ف اسعادك باى طريقه وكل زوج حسب شخصيته بس اديله الفرصه

هقولك كلمه اخيره
عايزة منه اهتمام... اهتمي انتي بنفسك..
عايزاة يحبك... حبي انتي نفسك..
عايزاه يحترمك... احترمي انتي حقوقك و انوثتك و احتياجاتك..