منتدى الفرح المسيحى - ابواب الرزق...

المال ..الولاد..الاهل..الزوج..
الصحه..القبول....الشكل..الجسم..الاصحاب
..هدوء البال..الأخلاق..تيسيير الامور..التوفيق ..الصحبه
وابواب تانيه كتير لا تعد ولا تحصي ربنا هيأها لينا
ممكن نسميها ابواب الرزق (الوزنات)...

وخص كل واحد فينا بأبواب معينه..
في أبواب ممكن يكون لينا فيها رزق قليل...
وأبواب لم نرزق منها...
وأبواب رزقنا منها واسع...

معظم المشاكل والوجع بيجيلنا لما المعني ده مايبقاش حاضر معانا..
فالوجع اللي ببيجي من المقارنه اللي نفسنا بتعملها
حتي لو بدون قصد مننا...
والحزن اللي بيدخل قلوبنا من حاجات كان نفسنا فيها..
والالم اللي بيجي علي غفله يخبطنا كده
لما يكون نفسك في حاجه قوي وتلاقيها راحت عند حد تاني...

كل دول محتاجين مننا ناخد نفس عميق ...
ونعيد علي نفسنا كم النعم والرزق اللي عندنا...
ونفكر في الوزنات اللي اختصنا بيها عن غيرنا
وعايزه مننا شكر للحفاظ عليها وشغل لتطويرها ...
مع الوقت الموضوع بيفرق...
وكل ما بركز مع نفسي...
وبشتغل عليها وبزكيها وبطور اللي عندي
كل ما اللي مش في ايدي مش هيفرق معايا زي زمان

لأنه ليست عطيه بلا زياده الأ التى بلا شكر