منتدى الفرح المسيحى - ياللا ناخد بالأسباب

ياللا ناخد بالأسباب

ربنا خلق الحياة بتمشي بالأسباب ...
كلنا عارفين ان كل حاجة بتحصل هي عبارة عن
"نتيجة" حصلت ب "سبب"..
"law of cause and effect" ...
تمام لحد كده؟ .. لأ لسه..

.. اللي مش كلنا بنبقى واخدين بالنا منه بقى ان احنا و احنا بنجري في الدنيا بنفكر في حاجات معينة ان هي دي كل الأسباب و بننسى اهم و اقوى الأسباب للنجاح و النمو و السعادة..

الأفكار اللي بنختار نفكر فيها من أهم الأسباب
الصلاه و الأتكال على ربنا من أهم الأسباب
الحب (تمني و إرادة الخير لكل الناس) من أهم الأسباب
العطاء و الكرم من أهم الأسباب

الفكرة مش الهدف منها فقط القراءة و التأمل،
و الأسباب دي مش مجرد كلام جميل ولا نصايح تتعلق على حيطان المدارس..
دي اسباب عملية بتتفهم و تنمو و تشتغل لما نعمل جهد فيها و نمرن نفسنا عليها لغاية ما تبقى طبيعتنا..

ياللا نعمل خطوة عملية لكل واحد من الاسباب دي النهاردة