منتدى الفرح المسيحى - الجواب بيبان من عنوانه

الجواب بيبان من عنوانه
او الانطباعات الأولى تدوم
مقولة خاطئة ويناقضها الواقع والصواب

الانطباعات الأولى تؤثر ولكنها لا تدوم
والانسان دائما يبنى على اخر تجربة
لو كانت الانطباعات الأولى تدوم فلماذا اذن يأتي الكره بعد الحب أو يأتي الحب بعد الكره؟؟؟؟
أو يترك رجلا عملا كان يحبه أو ترى امرأة ان الحياة مع هذا الرجل لا تطاق؟؟؟
اخر لقاء هو الذي يبنى عليه ما بعده
ليس مقصودا باخر لقاء بمعنى اخر لقاء تماماً
ولكن كل مرة ترى فيها هذا الشخص تحدث أشياء جديدة اما ان تكون حسنة او تكون سيئة
ان كانت حسنة فالانطباعات ستكون جيدة وان كانت سيئة فأكيد الانطباعات سيئة

نكمل المقال بالعامية أحسن........
نستفيد ايه من القاعدة دي
نستفيد ان احنا منحكمش على قصة من مشهد واحد بس بل نحكم عليها من أكثر من موقف ومشهد
ومنتسرعش في الحكم على شخص من موقف لان الاحكام المتسرعة غالبا ما بيندم عليها الشخص بعد فترة
يعنى لو جالك واحد البيت عشان يتقدملك لأول مرة
وكان جي شكله على سنجة عشرة وجايب معاه حاجة في ايده غاليه جدا مش معناه انه شاب شيك وجدع ومعاه فلوس
وبرضه لو جالك واحد تانى اول مرة وكان مبهدل ومش جايب حاجة في ايده مش معناها انه شاب ندل وبخيل وبيئة او مش معاه فلوس
ممكن يكون الاولانى بيمثل والتانى مش عارف يتصرف او حصله ظروف خلت منظره كده ومعرفش يؤجل الميعاد

https://upload.chjoy.com/uploads/1484306606991.jpeg

برده لو هي اتضايقت او اتبسطت فهى عندها حق
مش معنى انها متحكمش على حد من اول مرة انها متضايقش او تتبسط
وبرده نفس الكلام بالنسبة للرجل اللى رايح يخطب لو حسيت انها قمر 14 في اول مرة او حسيت انها اوحش ست في الدنيا من اول مرة
اوعى تحكم من اول مرة بس
لازم تروح تانى وتالت لغاية ما تتطمن وتتأكد ان قرارك ده صح وان البنت دي هتنفعك او مستحيل تنفعك

بس في حاجت منقدرش نتغاضى عنها بمعنى
ان كتير من الشباب بيدور على الانبهار اكتر من السرور
وغالبا اللى بيدور على كده من الشباب بيتجوز جوازة عادية جدا بس بيكون سنه كبر وعجز
خلاصته لو هي فيها حاجة انت فعلا مستحيل تقبلها فيها شكلا وموضوعاً يعنى هتضايق جدا لو هي فيها الحاجة دي يبقى نصيحة متكملش لأنك هتظلمها معاك

يعنى انت بتكرة البنت البيضاء او السمراء
او بتكره البنت الطويلة او البنت القصيرة
فبلاش تكمل واسأل على الحاجات دي قبل ما تروح البيت أحسن
مالوش لازمة تروح بيت وانت متعرفش الشكل اللى بتدور عليه

وحضرتك برده نفس الكلام لو انتى بتكرهي شكل الولد البناتى او الولد الأبيض او الأسمر او بتكرهي الولد الاصلع او التخين او الرفيع
برده نصيحة متكمليش لان على فكرة دي حياة وعشرة عمر
يعنى الحاجات دي هتفضل مضيقاكي او مضايقاك بقية عمرك

cpd