منتدى الفرح المسيحى - عايز تسمع صوت ربنا؟

https://upload.chjoy.com/uploads/148424560921.jpg

على مدار الكتاب المقدس الله كان بيتكلم لشعبه عن طريق الأنبياء اللي كان بيبعتهم دايمًا، وكان بيكلم الانبياء بطرق كتيرة وعجيبة، لكن الطريقة الواضحة في الكتاب انه الله لما كان بيتكلم اغلب الاوقات كان بيتكلم في هدوء مش في الدوشة زي مثلاً لما كان عايز يكلم صموئيل النبي نادى عليه 3 مرات في الحلم مش وسط الناس في الهيصة ووقت ايليا كان فاكر ان الله هيكلمه بصوت شديد والأية دي في سفر الملوك بتشرح اللي حصل " وَإِذَا بِالرَّبِّ عَابِرٌ وَرِيحٌ عَظِيمَةٌ وَشَدِيدَةٌ قَدْ شَقَّتِ الْجِبَالَ وَكَسَّرَتِ الصُّخُورَ أَمَامَ الرَّبِّ، وَلَمْ يَكُنِ الرَّبُّ فِي الرِّيحِ. وَبَعْدَ الرِّيحِ زَلْزَلَةٌ، وَلَمْ يَكُنِ الرَّبُّ فِي الزَّلْزَلَةِ. وَبَعْدَ الزَّلْزَلَةِ نَارٌ، وَلَمْ يَكُنِ الرَّبُّ فِي النَّارِ. وَبَعْدَ النَّارِ صَوْتٌ مُنْخَفِضٌ" (ملوك الأول 19) واخدين بالكم من أخر جزء في الأية .. " وَبَعْدَ النَّارِ صَوْتٌ مُنْخَفِضٌ" ..
الله مش هيتكلم وسط الدوشة والزحمة مش لأنه مايقدرش!! لكن علشان أنا مش هعرف اسمعه كويس وسط كل اللي حواليا دا ..

لو عايز تسمع صوت ربنا بجد .. فضي نفسك عن كل الدوشة اللي حواليك واقعد معاه وافتح الكتاب واقرا كلامه وهو هيكلمك..