منتدى الفرح المسيحى

منتدى الفرح المسيحى (https://www.chjoy.com/vb/index.php)
-   بيت على الصخر (https://www.chjoy.com/vb/forumdisplay.php?f=108)
-   -   اكثر الأماكن الضيقه اتساعا (https://www.chjoy.com/vb/showthread.php?t=468851)

Rena Jesus 12 - 01 - 2017 12:16 PM

اكثر الأماكن الضيقه اتساعا
 
الحضن
اكثر الأماكن الضيقه اتساعا
أكبر اسباب الطلاق واكبر أسباب استمرار زيجات
من أكبر المهدئات النفسيه
مبيكلفش حاجه وميتقدرش بأي حاجه
سبب ترابط البيت و يجعل نفسيه الاولاد سويه

https://upload.chjoy.com/uploads/1484223316192.jpeg

مجتمعنا بيحضن في الطفل لحد ما يمشي ويبتدي الحضن يقل لما يوصل لسن 7 سنين يختفي الحضن تدريجيا
بتعدي فتره المراهقه اللي هي فتره العواصف النفسيه تقريبا بدون حضن للابن والابنه بحجه أنت بقيت راجل وانتي بقيتي طولي
والنتيجه زلازل نفسيه وصحوبيه بره البيت وفجوه بينهم وبين الاب والام...


https://upload.chjoy.com/uploads/1484223316151.jpeg

زوجات كتير هتتحل نص مشاكلهم بحضن من الزوج حقيقي..مش بس في أوقات خاصه.
اكتر من نص عصبيه الستات وزعيقهم وعياطهم ومناقشتهم هتتحل بحضن وانا حاسس بيكي
(حتي لو مش فاهم ومش في ايدك حاجه تعملها غير كده دلوقتي)..

نص أعباء الرجل النفسية والمسؤليات اللي طول النهار بيفكر فيها هيقدر يواجهها بحضن من مراته وطبطبه وكلمه انا عارفه انك بتتعب عشانا ....


https://upload.chjoy.com/uploads/148422331623.jpeg

الحضن أمان الست وسكن للراجل
الحضن لم شتات ابنك وبنتك
الحضن تجميع أجزاء وحل أسئله وحاجات بتتحط في مكانها واحتياجات بتشبع
الحضن لغه صامته... كلام متقالش...رسائل بتيجي في وقتها..راحه بعد جري وتعب...
الحضن بيقولك متخافش أنا جمبك
الحضن بيوصل أنا فخوره بيك
الحضن بيقول أنا بحبك
الحضن بيحسس بكره هيكون أحسن
الحضن يعني وحشتني
الحضن أنا محتاجلك

الحضن... الحضن...الحضن
الحضن تعود إدمان وأمان
وعدمه جفاء وبعد وفجوه

الحل...أتعود أحضن حبايبك.. متستغربش ومتتكسفش
هما محتاجينه من زمان قوي ومش قادريين يقولوا
احضنوا ولادكم ....
احضنوا زوجاتكم وازواجكم.....
احضنوا ابائكم وأمهاتكم... حتي لو كبرتوا وبقيتوا امهات واباء وهما جدود..
استقبلوا الحضن متتخضوش ومتخافوش مترفضوش ....

في الاول بتحس باستغراب وكسوف ممكن يوصل لتريقه ورفض....
لكن من جوا متأكده أنكم نفسكم فيه...
متأكده انه حل لكتير من مشاكلكم....
متأكده أنه تسكين لكتير من المشاعر....
متأكده انه وصل للفجوات....
متحرموش حبايبكم من حضنكم

walaa farouk 12 - 01 - 2017 01:13 PM

رد: اكثر الأماكن الضيقه اتساعا
 
ميرسي على مشاركتك الجميلة رينا

Mary Naeem 12 - 01 - 2017 01:53 PM

رد: اكثر الأماكن الضيقه اتساعا
 
مشاركة جميلة جدا
ربنا يبارك حياتك

Rena Jesus 13 - 01 - 2017 09:46 AM

رد: اكثر الأماكن الضيقه اتساعا
 
ميرسى لمروركم الغالى
:):):):)

MenA M.G 20 - 04 - 2017 07:20 PM

رد: اكثر الأماكن الضيقه اتساعا
 
موضوع أكثر من روعة .. مشاركة جميلة جدا
دائماً فى تقدم ورقى
ربنا يبارك خدمتك

Rena Jesus 25 - 04 - 2017 05:54 PM

رد: اكثر الأماكن الضيقه اتساعا
 
ميرسى لمرورك الغالى
:):):):)


الساعة الآن 01:33 PM

Powered by vBulletin® Copyright ©2000 - 2025