منتدى الفرح المسيحى - 💥احتياجات انثوية

افهم محتوى زوجتك 💥

💥1-#النساء_تتغذى_وتقتات_على_الإحساس_بالأمان.
هتحس معاك بالأمان ازاي؟
إنها بصفة عامة تكون مقتنعة إنك بتحبها و بتخاف عليها..
طب تقنعها ازاي بالموضوع ده؟؟
في طريقة سهلة، إنك تكون بتحبها و بتخاف عليها فعلا، و في طريقة صعبة شوية و محتاجة مهارة لو مش بتحبها للدرجة يعني.. إيه هي الطريقة دي؟؟
عادي خاف عليها عن طريق القليل من الغيرة الحميدة و القليل من الأسئلة عن صحتها و يومها مع قليل من كلمة "بحبك" بشوية إحساس هتؤدي الغرض بنجاح..
هتقولي ماهي هتحس إني بمثل و بتاع؟
هقولك عادي نسبة كبيرة من الزوجات بتكون عارفة إن جوزها بيمثل و تقنع نفسها إنه صادق و هتحس بالأمان و تتبسط برضوا مايهمكش..❤❤❤❤

💥#النساء_تتغذى_وتقتات_على_الاهتمام_النوعي_ا للصيق المتتابع.. يعني ايه #نوعي؟
يعني مش نفس التصرفات و طريقة الاهتمام اللي عملتهم مع هدير و فرحتها، بالضرورة لو عملتهم مع نهال هتفرح..
أينعم هدير و نهال بيحبوا الاهتمام، بس كل واحدة فيهم ليها مفتاح و طريقة....استخدم غريزة الصياد جواك عشان تعرف مفتاح مراتك إيه و تستخدمه بذكاء..❤❤❤#الزوجات_بيحبوا_اللمسات_البريئه_أكترمن_ا للمسات_غير #البريئه_اللي_انت_بتحبهها
الزوجة – لسبب غير معروف – تحب قوي إنك تحضنها من غير ماتكون اى غرض.. الحضن الاحتواء ده بالنسبالها شيء أسطوري.. عشان بيحسسها إنك بتحب روحها و كينونتها مش جسمها بس..#ملحوظة: مش لازم حضرتك كزوج تستنى لما "تحس" إنك نفسك تحضنها.. لأنك غالبا مش هتحس.. ❤❤

4💥-#الزوجة_تحب_قوي_الزوج_اللي_يهتم_بالعيال_كأب.. هي بغريزتها كأم لما تلاقيك مهتم بالعيال بتفرح عشان هي من جواها – لاشعورياً – معتبراهم بتوعها لوحدها و إن انت مجرد آلة تلقيح مش أكتر.. و بالتالي زي ماتقول إنها بتشيل جميلك فوق راسها يعني.. ❤❤❤

💥5-#الزوجه_لاشعورياً_تحب_الراجل_اللي_يصرف_عليها... يارب يكون هيصرف عليها 10000 جنيه بس..
لو متجوز واحدة بتشارك ف مصروف البيت و بتتعامل معاك عادي ف نفس الوقت، احتفظ بيها لأنها كائن أسطوري مجنح لازم تشيله على كفوف الراحة.. #الحياة_صعبة كلنا عارفين.. بس حاول بقدر الإمكان تسيبلها فلوسها من غير ماتكون كائن طفيلي يتغذي على لحمها و أصرف عليها و شبرقها.. ربنا هيعوضك و الله..❤❤❤❤

6💥-#الزوجة_لازم_لازم_تحس_إنها_أنثى_جميلةومحبوبة مرغوبة.. و لو حضرتك ماكنتش المصدر اللي يحسسها بكدة، غالبا هيحصل حاجة من اتنين:
-هتجف و تذبل و تنطوي و تتحول تدريجيا إلى جثة منزوعة الدماء متساقطة الشعر..
7-#كل_زوجة_هي_مشروع_أم_إلى_أن_تلد.. طب نستفيد من المعلومة دي ازاي؟حاول تشبع جواها غريزة الأمومة من ناحيتك.. #حسسها إنك محتاج "تفضفض" معاها عشان مش بترتاح غير معاها هي و بس.. #حسسها إنك بتحب تاكل من إيديها حتى لو الشيف الشربيني بنفسه هو اللي اترجاك عشان يطبخلك بنفسه.. #حسسها إن هدومك تحرم عليك لو مش هي اللي غسلتها و كوتها ب إيديها الحلوين.. #حسسها إنك تضيع من غيرها ف غياهب الحياة و الكون..
لو انت من نفسك بمعجزة بتحس الحاجات دي مع مراتك يبقى خير و بركة..#طب لو مابتحسهاش؟؟عادي، هو انا بطلب منك تحسها انت؟؟ أنا بطلب منك تحسسها هي بكده..❤❤

الزوجة ممكن تكون قطة شيرازي تستمد حياتها من التمسح فيك و تسيبك تزقطط مع أصحابك و تعيش ف الـ Comfort Zone بتاعتك في سلام، و ممكن تكون أفعى أناكوندا شرسة تبلعك مع شوية عصير عشان تضمن إنك موجود معاها علطول.. الموضوع ف إيدك تماما يا دمييييييل منك له 💥💥💥💥💥❤❤❤❤😘💥💥💥💥💥

[/CENTER]