منتدى الفرح المسيحى - مراحِل الوجَع

https://upload.chjoy.com/uploads/1483044541951.jpg

1 - مرحلة التفكير :- بتبتدي تفكر ، هوا انا هفضل كدا علطول ؟ ، لا كدا كتير عليا ، لا انا مش فارق معايا أصلا ، لا أنا فارق معايا و موجوع و مش قادر .
-
2- مرحلة الإستيعاب :- إنك مش مستوعب إنك موجوع أصلا بتبقي مش مقدر الوجع اللي انتا فيه بتبقي مكمل حياتك عادي و كأن مش فارق معاك ، يمكن كمان بتحاول تبين ع وشك إنك كويس .
-
3 - مرحلة الهروب :- بتبتدى تهرب من أى حاجه و بتشغل نفسك .. بس مهما طالت الفترة .. ف الأخر بترجع لنفس الحاجة اللي وجعتك ، ممكن تاخد وقت و ممكن متاخدش وقت .
-
4 - مرحلة الإخفاء :- إخفاء الوجع أصعب من الوجع نفسه ، بيبقي ميت من جواه ، الروح بتبقى مهدومة من جوا ، و موجوعة جداً .
-
5 - مرحلة الإدراك :- بتبتدي تقنع نفسك بإنك أما مش موجوع فعلاً مؤقتاً ، مجرد مسكن بس فالنهاية بتوصل ب إنك تدرك إنك موجوع فعلاّ و بتعترف لنفسك ب دا .
-
5 - مرحلة الإرهاق :- بيبتدي يعاقب نفسه وهوا مش واخد باله ، بيبتدي يحمل نفسه فوق طاقتها ، بيدور ع اى يضغط عليه و يتعبه و يشغله و يعمله ، بيشيل و يكتم و كله بيتراكم ، في منهم اللي بيضر نفسه جسدياً ، او نفسياً ، و اللي بيفكر يفضفض يمكن يستريح ، و اللي مبيعرفش يفضفض وبيفضل شايل جواه ، كل واحد بيتعاقب بس بطريقة مختلفة هوا بيحددها لنفسه حتى لو ملوش ذنب ف اللي حصل .
-
6 - مرحلة البهتان :- دي تعتبر أخر مرحلة ، المرحلة دى بتخليكُوا مِش حاسينْ بطعم أى حَاجة حلوة أو وحشة ، مِش حاسين إنكوا بتحسُوا أصلاً ، إحساسكوا بيِموت ، جواكو بيبقي فاضي ، بتفضلوا مكملين فيها و حابينها و مش عاوزين توصلوا لأي حاجة ، ولا عايزين يبقي في جديد ف حياتكوا حتي القديم ، بطلتوا تفكروا فيه منتوا خلاص موتوا من جواكو ، ولا بيفرق معاكوا يتصحوا إمتي و لا هتناموا إمتي ولا بتعملوا أى بتبقوا عايشنها و بس و دي من أصعب المراحل اللي بتمر عالواحد بس المهم إنها بتاخد فترتها و تعدي ، يوم بقا ، شهر ، سنة ، المهم إنها هتنتهي ف الأخر .
-
بعد المراحل دي انتا بتلاقي نفسك حد تاني خالص ، إنتا متوقعتش انك تكونه .