منتدى الفرح المسيحى - كلمة السر .....

كلمة السر
لو حابب تغير سلوك معين في طفلك هتعمل ايه الأول؟
الKeyword
هي : القبول
Acceptance ☝
مينفعش تغير من حد او من سلوكه طول ما انت رافضه!
لكن السلوك اللي بيعمله ابني فعلا غلط و مينفعش اقبله و اقول عليه عادي!!
طبعا!!
السلوك هيتغير..مرة هيبقى حلو و يعجبك و مرة هيبقى وحش
لكن ابنك هيفضل حبيبك و هتساعده انه يحسن من سلوكه لأنك بتحبه في كل الأحوال و دايما بتدورله على الأفضل ليه

من النهاردة جرب بنفسك النظرة دي للسلوك و لاحظ رد فعلك تجاه تصرفات ابنك اللي مش عاجباك:
بدل ما تقول: ابني عنيد!
قول: ابني عنده اصرار و شخصية قوية و محتاج يتعلم شوية مرونة
بدل ما تقول: ابني انطوائي!
قول ابني متأمل و مفكر و محتاج يتعلم يعبر عن نفسه اكتر
بدل ما تقول: ابنى عنده فرط حركة!
قول ابني مرح و نشيط و محتاج يتعلم يوظف طاقته صح