منتدى الفرح المسيحى - حياتي بدون احلااااااااااااااااااااام

حياتك من احلامك
http://img410.imageshack.us/img410/1309/61ay3.gif

كلمة صعبة اوي واللي اصعب الواقع اللي احنا عايشين فيه ميسمحلكش اصلا انك تحلم

هتحلم تطلع دكتور مجبتش مجموع طلعت دبلوووووم

حلمك ضاع وحلم ورا حلم بيضيع وتتفاجئ انك في كل مرة تقول ارادة ربنا وربنا عاوز كده

وجوه قلبك حسرة وكسرة قلب وتبطل تحلم وتمشي مكان مالريح ترميك

يا حسرة علي الاحلام

وكمان ربنا عاوز كده واللي ليه نصيب في حاجة هياخدها

وتقول نصيبي قليل وانا فاشل

ولتكن ارادتك لا ارادتي

وقلبك مكسور ونفسك مقطوعة

يوسف زمان حلم ولما حكي الحلم الناس اتريقت علية

وحياته انتهت انه اترمي في البير

وفضل يحلم ويحلم

ومن سجن لسجن ومن ضيقة لضيقة حلمة جواه حاسس بيه

مش فاهمه عاجز عن تحقيقة

مشفش يوسف ربنا ولا مرة ولا ذكر اني حصلت معاه معجزة

ولا حتي اتكلم مع ربنا زي موسي

لكن كل اللي عمله قرر يكون امين وخد حلمه وحطه بين ادين ربنا

لان حلمه كان من عند ربنا

كتير احلامنا بتضيع ويمكن عمر متحقق ولو حلم واحد من احلامنا

لكن تعالوا نبص علي حنه كانت ذليله مكسورة لانها عاقر

ودرتها بتذلها ودموعها جوه قلبها والضحكة مشفتهاش خدودها

بس راحت بطلبة بسيطة وحلمها القليل وقالتله بص يارب

انا محتاجة ابن يرفع عني الذل وانت محتاج امين وراجل ليك يحكم الشعب

اديني الابن وانا هدهولك

واقنعت ربنا وسنين بتصلي وتطلب

متيجوا ناخد الحلم من عند ربنا ناخدوه من ايده ويكون لمجده تعالوا نحلم صح

تعالوا نقول ربنا ادينا الحلم اللي يخليك تعمل بينا

مش بس لينا نحلم بطرية ربنا مش طريقة الناس

بص الايه ديه بتقول ايه

ويتحول السراب الي عين,والارض العطشانة الي ينابيع ماء

القادر ان يفعل اكثر مما نطلب ونفتكر

يالهي يا من تتحكم بالقلوب والعقول تعالي ادينا حلم يخلينا

نكون عايشين تعالي ادينا رؤيا لمجد اسمك ولحياتنا

يارب انت قلت بلا رؤيا يجمح الشعب تعالي

ادينا رؤيه حسب مشيئتك قوينا وساعدنا نكون احسن بيك وليك

علمني نحلم بالكتير لانك انت الكبير وليك الكتير واحنا ولاد الكبير

يارب لسنا نعلم ماذا نفعل ولكن نحوك اعيننا