منتدى الفرح المسيحى - في مرحلة محتاج أراجع فيها نفسي واولوياتي ..

في مرحلة في حياتي مش متأكد من أي حاجة ..
مش عارف اللي عملته إنجازات ولا سراب ووهم ..
مش متأكد أفدت الناس ولا كنت سبب في ضرر لهم ..
مش متيقن أنني اللي حوالي الناس اللي كان المفروض أقربهم مني ... ولا بعدتهم عني ..
في مرحلة .. كل كبير عملته بدأ يبان صغير .. وكل صغير فوتته بدأ يبان كبير ...
في مرحلة محتاج أراجع فيها نفسي واولوياتي ..

عندي كلام كتير اقوله ماقلتهوش ..
وعندي حاجات كتير ممكن اعملها ماتعملتش ..
ومواضيع مهمة محتاج اتعلمها ماتعلمتهاش ..
وناس كتير محتاج ابين لهم حبي ماعرفوش ..

بس اكيد كل حاجة في مكانها صح ..
ده أيمانى بربنا وده اللي مخلليني ابدأ يومي مبسوط ..
ان ليس في الامكان افضل مما كان ...
وان ربنا بيجيب الخير دائما ...
وان كل حاجة في مكانها لحكمة ممكن افهمها بعدين ..
المهم انني افهم مراد ربنا من كل اللي بيحصل ..