منتدى الفرح المسيحى - . لو كنت مجـــــروح

https://upload.chjoy.com/uploads/1482435451941.jpg

لو كنت مجروح لازم تعرف إن مفيش حد فينا منجرحش بس جرح عن جرح بيفرق...في جرح صغير وبيروح مع الوقت, في جرح كبير وبيقعد كتير.. ممكن تكون اتجرحت بسبب صاحب غدر بيك ومطلعش أمين، ممكن تكون اتجرحت من ناس ظلمتك أو تعرضت للخيانة، او ممكن تكون اتجرحت من اكتر حد كنت فاكر انه خاف عليك وطلع اكتر انسان أذاك!!.
وبنات كتير بتشكى وتبكي لأن الحبيب ضحك عليها ووعدها بالزواج وهرب منها! كان بيكذب وعايز يتسلى معاها ولما إنكشف أمره راح لواحدة تانى!
متزعلوش فمسيحنا إنجرح بميلادة في مذود للبهائم حقير، وأمه مريم الطاهرة مكنتش معاها فلوس تشترى ليه أجمل ثياب وتعمله أحسن سبوع ومع هذا لم تتذمر أو تعاتب الله بل كانت فرحانة بالبركات إللي ربنا أعطاها إياها..
تعالوا نغفر قبل بداية العام الجديد لمن جرحونا وضحكوا علينا .. مش هقول إرجعوا إليهم أحياناً البعد أفضل لينا ولكن هقولوا سامحوهم هم محتاجين صلاة أكثر يمكن ربنا يقبل صلاتكم ويهديهم