|
هو فيه ارتباط بين نمط الاكل و مشاكل تشتت الانتباه ؟
هو فيه ارتباط بين نمط الاكل و مشاكل تشتت الانتباه ؟ https://upload.chjoy.com/uploads/1482404504941.jpg كتير اوي بقابل امهات اولادهم عندهم مشاكل في التركيز و التقدم الدراسي و في نفس الوقت عندهم مشاكل مع الاكل ! اما مش بيحبوا يجربوا ! اما مركزين في أكلهم علي العيش حتي لو عيش حاف ! اما مش بياكلوا معظم الاكل و اعتمادهم الأساسي علي الشكولاته المعلبه و الاكل المصنع و السناكس الي في عبوات مصنع ! هو ده مربط الفرس !! الاكل هو السر وراء ضعف التركيز و تشتت الانتباه و هو كمان الحل للمشاكل دي محتاجين نفكر بره الصندوق و نوفر للأولاد الاكل اللي بيحبوه في صوره صحيه لو ابنك مش بياكل خضار و فاكهه لازم توجدي الحل لان الخضار و الفاكهه بألوانهم المختلفة فيهم معادن و فيتامينات مختلفه و جسمنا محتاج كل العناصر دي علشان النمو السليم و علشان مخنا بيتغذا معانا من الاكل الي بناكله كمان الخضار و الفاكهه بألوانهم فيهم مضادات الأكسدة الي بتساعد جسمنا في التخلص من الأكسدة الي التلوث بكل أنواعه من اسبابها تخيلوا بقه لو مش بناكل خضار و فاكهه !! هنعمل ايه في الأكسدة و مشاكلها ؟! و ده هياثر ازاي علي تركيزنا و تحصيلنا المعرفي ؟! |
رد: هو فيه ارتباط بين نمط الاكل و مشاكل تشتت الانتباه ؟
ربنا يبارك حياتك |
رد: هو فيه ارتباط بين نمط الاكل و مشاكل تشتت الانتباه ؟
ميرسى لمرورك الغالى
:):):) |
| الساعة الآن 03:23 AM |
Powered by vBulletin® Copyright ©2000 - 2025