منتدى الفرح المسيحى - أدمان الشيكولاته!!

مشكله كلنا بتواجهها !!

حب الأولاد الشكولاته بكل اشكالها

https://upload.chjoy.com/uploads/1482403508561.jpg

و كتير من اولادنا أكلهم صعب اوي..فا ما بنصدي يطلبوا اكل..اي اكل..
المهم حاجه تدخل بطنهم!
و في كتير من الأحيان بيبقي ده ساندويتش شكولاته !!
طبيعي يطلبوا تاني و تالت
و يبقي ده الحاجه الوحيدة اللي بيرضوا يأكلوها
لان الموضوع ببساطه ادمان !!!!!

ايوه ادمان !!

السكريات ادمان..السكريات ٨ أضعاف ادمان الكوكايين !!
و الشكولاته بتعدل المود و تدي شعور بالسعاده
طب و هو فيه احلي من كده !!

المشكلة ان الشعور ده سرعان ما بينتهي
و اللي بيفضل كسل، خمول، جوع مفاجيء، قريفه و قلة مزاج !!!!
و نفضل في نفس الدائره

طب و الحل ؟
الحل اننا نبدأ معاهم من مكانهم
لو بيحبوا الشكولاته نوفر شكولاته بمكونات صحيه مضمونه
نعمل حلويات بالكاكاو الخام
( الكاكاو الخام غني بالمجنيزيوم و ده عنصر مهم جدا لامتصاص الجسم للكالسيوم و كمان للذاكرة و التركيز )

نعمل حاجات حلوه آه.. بس بالعسل و التمر
نبعد عن السكر المصنع خالص

مجرد ما نشيل مصدر الادمان ده و نستبدله بحاجات تانيه بعناصر مفيده
الجسم هيبدا يتقبل آكلات مختلفه

كل ما نعلي القيمه الغذائيه للاكل..حتي لو مش الوجبه الأساسيه..
كل ما بنغذي الجسم و نقلل من الcravings للحلويات و المقرمشات المالحه

نظام جسمنا نظام عبقري من صنع الله
بيطلب اللي محتاجه
بس احنا مش بنعرف اللي يقصده
و بنديله شيء غير مفيد
مع ان الcraving ده زي ضوء القمر
بيدلنا و يهدينا للي ناقصنا و محتاجينه