منتدى الفرح المسيحى - طبقة الـ ( شبع بعد جوع )

الـ Nouveau riche ..
و ده مصطلح بيوصف الأغنياء الجدد أو بمعني أصح الناس اللي كانت معدمة ماديا و فجأه بقت من الطبقة الغنية ..
و اللي أحنا بنسميهم طبقة الـ ( شبع بعد جوع ) ..
بس ليه فيه الـ Nouveau riche ؟؟

الموضوع بيبتدي لما يمر الإنسان لأول مره في حياته بالحاجة ,
زي مثلا شعور الجوع او شعور الفقر او حتي شعور البرد ,
و علي مدي مقدار الشعور ده و ألمه بيبتدي يحصل زي تشوه ما في الإنسان ده ..
فكل ما كانت الحاجة عميقة و صعبة , كل ما سابت أثر صعب في الإنسان ..
الأثر ده بيكبر مع الوقت و خصوصا و لو خد فترة طويلة و ظروف مأسؤية ,
و يفضل يتضخم جوا نفس الإنسان و يتغرس جوا كل فكرة و إدراك فيه ..
لغاية ما يبقي ملاصق بصورة اساسية لطموحاته حتي و لو هو مش حاسس او مجرد في اللاوعيه ,
فالأثر مش جسدي او ظاهري , أنما بيحرك تصرفاته و سلوكه بشكل غير مباشر ,,
فحتي و لو بقي عنده كل السبل اللي تخليه يسد الحاجة ديه , بس الاثر او التشوه مفيش حاجة قادرة توصله و تعالجه ..!

الشبع من بعد جوع بيشمل اي نوع جوع ,
فالجوع النفسي و العاطفي زيه زي الجوع الجسماني و المادي ,
فبرضة الشخص اللي كان بيعاني من جوع و احتياج عاطفي رهيب ممكن يبقي مشوه
و هو بيمارس حبه ده حتي و لو تبدلت الأحوال و لقي اللي يبادله مشاعر الحب ,
فيبقي الشريك اللي معاه في العلاقة حاسس ان في مشاكل في الموضوع ,
بس مش عارف ايه السبب ..

الهدف مش ان كل فقير اغتنا أو كل محتاج سد احتايجة يبقي Nouveau riche ,
بس الهدف إن التشوهات اللي حصلت في بعض الأشخاص في تاريخهم و ماضيهم كفيلة انها تبروز عقد النقص اللي عندهم ,
و يبتدوا يطلعوا أسوء ما فيهم و هما مش مدركين حجم التجريح في الأخر و الاخطاء للغير ..
و للأسف ساعات نقع ضحايا للعقد دية
و يبقي زي ما قال " محيي الدين اللباد " :
(( .. ألا ترون أننا نحب أن نبتكر شخوصاً نحمّلها كل نواقصنا لنوهم أنفسنا بأننا نخلو من هذه النواقص ؟! .. )) ...
ففي النهاية ، اللي أسوء من الجوع كشعور مجرد هو الأثر التشوهي اللي بيسيبه الجوع ده .. و اللي مفيش حد فينا بيفلت منه ,
فكلنا Nouveau riche بس بدرجات ..