منتدى الفرح المسيحى - بلاش تبكوا على ماجى

https://upload.chjoy.com/uploads/1482249689341.jpg

مكنتيش قادرة تستني
شوية كمان
ومين قدك !!
أديكي سافرتي أحلى مكان
بلاش تبكوا على ماجي
ولا حتى على غيرها
دي ام النور تلاقيها
بتعمل ليها ضفايرها
ومارجرجس يجوز جداً
ياخدها وراه على حصانه
يفسحها ويبسطها
يخبيها في احضانه
وابانوب اللي من دورها
يخليها تقف وياه
تشوف مجد اللي خالقها
وتلعب بردو حبه معاه
ودميانه ومارمينا
وبرباره ومارينا
وكم قديس وكم سايح
يقولوا وياها مدايح
ويجي داود قصاد منها
ويعزف ليها مزاميره
وهي تبص ليه بعينها
وتتمتع بترانيمه
قوليلنا ياماجي ايه شوفتيه
ومين استقبلك ف سماه
يسوع وحده اللي كان واقف
ومين طب تاني كان وياه
واحكيلي جمال حضنه
وطبطبته على ضهرك
وكم بوسة اخدتيها
ياماجي منه على خدك
انا فرحان عشان واثق
بإنك جنب مولاكي
واكليلك علي راسك
يابختك باللي وياكي ..

ماجي مؤمن , 10 سنوات , أصغر شهيدة في أحداث البطرسية