منتدى الفرح المسيحى - كنيستنا مليانه عذاري حكيمات

من فتره طلع كاهن مع وائل الابراشي وانتقد لبس البنات ف الكنيسه ؛
واتكلم عليهم بطريقه وحشه قدام الناس ..
معرفش ليه افتكرت الموقف ده لما حصلت حادثة البطرسيه وشفت صور البنات "الشهيدات" ؛
لبسهم عادي زيهم زي أي بنت مسيحيه ..
وصورهم ع الفيس معظمها فساتين ؛
وهما دول اللي ربنا اختارهم علشان يفوزوا باكليل الشهاده ويبقوا شهداء علي اسمه وفخر للكنيسه ..
وكأن ربنا عايز يقول لكل واحد شاغل باله بالموضوع ده ان بناتنا بخير ..
بنات الكنيسه امناء و مقدسين ؛ عمر النظره ليهم ما كانت مقتصره علي لبسهم ؛
اكبر اجتماعات الكنيسه عدد بيكون "اجتماع السيدات" ..
اكتر خدام الكنيسه نشاط هما البنات " في الكشافه وخدمة مدارس الأحد" ..
كنيستنا مليانه عذاري حكيمات معروفين بالاسم عند الله
لأن الإِنْسَانَ يَنْظُرُ إِلَى الْعَيْنَيْنِ، وَأَمَّا الرَّبُّ فَإِنَّهُ يَنْظُرُ إِلَى الْقَلْبِ .. ✋💟
"صموئيل الأول 16 : 7 "
"مينا مجدي"