منتدى الفرح المسيحى - .تعالى تحت ميكرسكوب ربنا

https://upload.chjoy.com/uploads/1482090871981.jpg.

تعالى تحت ميكرسكوب ربنا وشوفى نفسك بالمساته الالهيه ..واعرفى انه اللى عملك معملش زيك..
--------------------------------------------------------------------------------------
بمنتهى التمييز والاختلاف صنعهم ..مع انه عارف ان مع اول شعاع شمس هيدوبوا ..اه دى حتت تلج تحت ميكرسكوب :) .هو ده ربنا مفيش حاجة تخرج من تحت ايده غير ولما تكون ف زي ملوكى وممضيه من ايد اعظم فنان ..وباعلان واضح انها made by Gad ..كل تفصيله ف كونه هو تعريف بسيط منه ليكى عن ذوقه ورقة صنعه ايداه ..كل حاجة حواليكى هى ايد بتشاور على الجمال والابداع اللى اتحط ف الاساس فيكى ..اذا كان اهتم بتشكيل وابداع حبات تلج عمرهم لحظات ..يبقى اتفنن فيكى وف تفاصيلك اد ايه .انتى اعظم كائن جه للعالم ..انتى الاستثنائى اللى مش هيتكرر ..انتى الفريدة ف ملامحك وشخصيتك ..انتى حلمه اللى اتمناه وحققه بمقايس الهيه ..لو تهتى وعنيك بطلت تشوف روعته فيكى .واتشوهتى من كم النسخ اللى بتحاولى تطبعيها عليكى بحجه انهم مختلفين...تعالى تحت ميكرسكوب ربنا وشوفى نفسك بالمساته الالهيه ..واعرفى انه اللى عملك معملش زيك..