منتدى الفرح المسيحى - مشتاق تفتح لى الباب

"مشتاق تفتح لى الباب"
https://upload.chjoy.com/uploads/148181333571.jpgوهى سنة هتعدى زيها زى باقى
السنين اللى عدت وأنت لسه زى
ما أنت مش عايز تتغير وطبعاً كل ده
وقت ضايع من عمرك مش ممكن يرجع
ولا يتعوض.هتفضل لأمتى
مشغول؟ وإيه شاغلك عنى؟
مين عندك أهم منى؟
دا أنا جيت مخصوص علشانك أنت
وكل يوم مشغول بيك وبهمومك
والدليل على كده دايماً واقف أقرع على
بابك نفسى تسمع صوتى وتفتح ليا
مهما كنت قاسى أنا مش ممكن أيأس
منك ومهما كان الجو برد فيه ندى
أو مطر هفضل دايماً واقف مستنى.
https://upload.chjoy.com/uploads/1481813727661.jpg
عارف ليه مش قادر تسمع صوتى وتحس بيا؟
عشان دايماً فاتح بابك للعالم وشهواته
محتاج ترضى غرورك ونزواتك وتثبت
كمان ذاتك ومفيش مانع تكنز وتجمع
من هنا وهناك عشان تكون أغنى
الناس لكن ماذا ينتفع الإنسان لو ربح
العالم كله وخسر نفسه؟(مت26:16)
ولامتى هتفضّل أصحابك عنى؟مش
ممكن تسمع صوتى طول ما أنت فاتح
بابك لأصحابك بالرغم من أنهم مش
معايا لكن بتحبهم أكتر منى.كل
ده عشان عايشين بحريتهم ومش
عايزين يتعبوا فى تنفيذ وصيتى أو
يحاولوا يدخلوا فى الطريق الضيق
لأمتى هتفضل مشغول وصوت العالم
عالى من حواليك؟مش ممكن تقدر
تسمع صوت الراعى الوديع وصوت
العالم عالى حواليك
لازم تبعد شويه
عن الدوشه
وكتر المشغوليه..ياريتك تقعد
مع نفسك فى جلسه هاديه
عشان تقدر تحس بيا وتميز
صوتى الحنين ف نفسى أخدك
فى حضنى وألذذك بحبى
"وتلذذ بالرب فيعطيك سؤل قلبك"مز4:37
أتمنى السنة الجيدة تسمع صوتى وتحاول
مش بس تفتح لى باب بيتك دا
أنا نفسى تفتح لى قلبك أنقيه
وأخلقه من جديد
وتقول قلباً نقياً أخلق فىّ يا الله-مز10:51
عشان أملك عليه وأملاه بالحب
والأشواق اللى بيها دايماً تنادى
عليا وتفضل ماسك فيا وثق
هتلاقينى.أحن أب.وأوفى
صديق.وأغلى حبيب.ودايماً
الراعى الأمين.لأنى أنا الرب لا
أتغير(ملا6:3)