منتدى الفرح المسيحى - اطمن ..حتى لو ظروفك صعبة زى ايوب

أيوب ..
شخصية ياما اتكلمنا عنها، اكتر واحد عدى بكمية ألم في حياته رهيبة.. معتقدش أن كان في وقته أو حتى على طول قصص الكتاب المقدس، شخصية تألمت زي أيوب .. اتألم من كل الناس حواليه بعيد كان أو قريب .. وكان دايمًا بيدورعلى إجابات للأسئلة بتاعته.. كل أسئلته فعلاً كانت مهمة وكان مستني ربنا، ومسألش أي حاجة غلط.. كان كل أسئلته بدور حوالين " ليه "؟

وفي أخر المشهد الحزين ده كله .. قرر الله يرد عليه، والحاجة المذهلة وكأن الله - بالبلدي كده - " جه إدى لأيوب حضن "!! كل اللي كان محتاجه أيوب فعلاً حضن.. جه الله يقوله أنه موجود .. أنه هنا، في كل اللي بيحصل وسامع وشايف وحاسس .. أطمن أيوب وشكر ربنا ورغم انه ماتجاوبش على أسئلته إلا انه كان مطمن وواثق انه موجود جمبه :) ..

أطمن الله موجود.. حتى لو ظروفك صعبة زي أيوب أو أكتر.. الله النهاردة بيقولك هو هنا جمبك .. أنت مش لوحدك
الكلام ده مهم أوي.. خلينا ننشر تشجيع وايمان ونكون مختلفين